Popular Bible Verses from Daniel 8

Share

Y alloes a wra krevhe, mes ny vydh der y nerth y honan. Marthys y hwra ev distrui, ha seweni yn pypynag a wrello. Ev a wra distrui an re grev ha pobel an syns. Der y felder ev a wra dhe doell seweni der y dhorn; balgh vydh yn y golonn. Heb gwarnyans y hwra distrui meur a dus; erbynn Pryns an brynsys y sev; y fydh terrys, mes ny vydh dre leuv den.

Yn-medh ev, ‘Otta, my a dheriv dhis an pyth a hwyrvydh troha diwedh termyn an sorr, rag an welesigeth yw a-dro dhe brys ordenys an diwedh. An hordh dewgornek a welsys yw myghternedh Media ha Persia. An bogh blewek yw myghtern Pow Grek, ha'n korn bras ynter y dhewlagas yw an kynsa myghtern.