Popular Bible Verses from Oberow 2

Share

Hag yn-medh Peder dhedha, ‘Kemmerewgh edrek, ha bedhes besydhys kettep penn ahanowgh yn hanow Yesu Krist rag gevyans agas peghosow, ha hwi a wra degemmeres ro an Spyrys Sans.

hag yth esens ow pesya yn dyskas an abesteli hag y'n kowethyans, yn terri an bara hag yn pysadow.

hag i oll a veu lenwys a'n Spyrys Sans ha dalleth kewsel yn yethow erell, dell ros an Spyrys dhedha galloes dhe gewsel.

hag a-dhesempis y teuth mes a nev tros kepar ha gwyns nerthek ha hwyflyn, hag ev a lenwis oll an chi mayth ens esedhys, ha tavosow kepar ha tan a omdhiskwedhas dhedha, lesrynnys hag ow powes war bub huni anedha, hag i oll a veu lenwys a'n Spyrys Sans ha dalleth kewsel yn yethow erell, dell ros an Spyrys dhedha galloes dhe gewsel.

Ha pub dydh oll ow pesya yn tiwysyk ha keskolonn y'n tempel, hag ow terri bara yn aga chiow, i a gevrenna boes, heudh ha sempel aga holonnow, ow kormel Duw hag ow kavoes bodh da an bobel oll. Ha pub dydh an Arloedh a geworra dh'aga somm an re o selwys.

“Hag y fydh y'n dydhyow diwettha, yn-medh Duw, my a dhinwa a'm Spyrys war gig oll, ha'gas mebyon ha'gas myrghes a wra profoesa ha'gas gwer yowynk a wra gweles gwelesigethow ha'gas gwer goth a wra hunrosa hunrosow

Yth esa oll an gryjygyon war-barth, ha pup-tra a's tevo yn kemmyn; hag i a wertha aga fythow ha'ga gwara, hag i a's ranna dhe beub oll, dell esa edhomm dhe nebonan.

hag ena myns a gri war hanow an Arloedh a vydh selwys.”

An howl a vydh treylys dhe dewlder ha'n loer dhe woes kyns dos dydh meur ha splann an Arloedh