Popular Bible Verses from DANIELA 2

Share

Daniela chuan vân Pathian chu lâwmthu a hrilh a: “Pathian chu a fing a, thil a ti thei a, Amah chu fak kumkhua tûr a ni. Hun te, khua te, a thuin an awm a, Lal te a bân a, a siam bawk a, Finna leh hriatna petu a ni. Thu khirh leh thûk tak takte chu a puang a, Thim zînga thil thuhrûkte pawh a hmu a, Êngin a vêl a hual a ni.

Daniela chuan lal hnênah, “Bo hre thei emaw, aien thiam emaw, arsi chhui mi emaw, mi fing, chu thu khirh hrilh fiah thei tûr tu mah an awm lo vang. Amaherawhchu, vânah Pathian a awm a, ani chuan mite hnênah thu rilte a puang ṭhîn; lal Nebukadnezara hnênah pawh nakin lawka thil lo thleng tûr a rawn puang a nih hi. I mumanga i thil hmuh chu ka han hrilh ang che.

Chûng rorêltute hun lai chuan Vân Pathian chuan, ram hlun tûr, ramthar, a rawn din ang a, chu chu tu man an hneh thei lo vang; lal ram dangte chu a tichhe vek ang a, ani erawh chu a awm reng ang.