Popular Bible Verses from Isaías 51

Share

Bab-Jehová weyob soged: “Ani an bemar-gwage baisur-itoge imakedid. ¿Ar ibiga be dulemar-dobe? Ar wemardi, unnila gagan-durganyob gumalad.

Be-gwabindukugine, an-gayaburba an nasiksad. An-ganguedbali an be-anar gwisgusad. Ani an mogir-billi nasiksad, ani an napneg nasiksad. Degine, Sión-yalagi-bukmaladga an weyob sogsad: ‘Be an-dulamar guye.’ ”

”Bemar, igar-napiragwad-wismalad, be an-itomar. Gwagegi-an-igar-sedidimalad, be an-itomar. Dulemar-begi-ichakwa-sunmakedi, melle be dobgumalo, sabsur-e-ibmar-sogedgi, melle be niga argwanmalo.

Ani Bab-Jehová, Sión-yala wiledakedsegad. Bela e-neg-bibichismaladi, wiledakoed. E-nega-dulesulidgan Edénʼgi-nainu-nued-naigusayobi, imakoed. E-nainu-geg-ibmar-egi-sanmakedi, an-nainuga guoed. A-nainugine weligwar-itomaloed, egi wergumaloed. Anga namaklegedgi namakmaloed, dog-nuedye anga sogmaloed.

Bab-Jehováʼgi-bendaklesmalad gannar nonimaloed, weligwaledgi namakagwale Sión-yalase dognonimaloed. Weligwar-itodiidi, magasar na e-wagargi oyomaloed. Wergudii gumaloed, na yeer itomaloed. Bukib-binsadiidi, gwage-nunmak-itodiidi, bela bergudoed.