Popular Bible Verses from ROMIA 12

Share

Hava dultipaam nopa dilkṭoiji am maan, pdainu Isowr dongeija ava thide tdit tdee nangi kṭha ungta talo kurhui ungu mkinreel ava talu tdit adodee nraan, apoibin in ren kur owlli adaksaanna kur owl chaan.

Ava leiji, ku u knaorek, naan adaksaan ava kring leh kseeng ungu Isowr dolo kurhui tlaai downni ado piik chaak nraan Isowr wonsatti neiji naan hin kthe chaakka, pthla ktongtha naanni luwkbuk in pti.

Adobin psuk in thu kanpa chaan, suwkthuwk thung ngi adiil dei chaan, kdet liit kma aṭhil chaan.

Kṭhakma kparchaan maan, pdainu kṭha ngi kṭhakma atapchaan in.

unao wonsat kurlo lulungi khat leh khat wonsat kurlo in; khat leh khat karjat chaan.

Wonsat ava dodak kat kat kurthuwkso; kṭhakma ava apder chaan, kṭha ava knetti arpom chaan

Mkurthut derangbi, naan thung ngi ka am mii mkheng ava kdaaiji am so.

Kwonsat lorek, naan adaksaan ki phuw kurlou maan, pdainu Isowr plung thit hinni ama pthiin; mleija ava kjit dokda, “Phuw klouva Nei kdo, Neiji purthul nikdi, dida Mukpu ngi theda.”

Howngkva kma ngi nong alou in, pthla ngi kdung kdimmi Mukpu nong alou chaan.

Mleija naan miipum ktaiji muplungbin ava pkheel dekda kheel siingi mdo bin ma nra, pdainu miipum ktaiji Isowr dosilna krin cha avaki tpartena dil kṭoiji plung kdowng ngi adobin nraan, nei kihin mdo tpiik chaak plungnee avangi akatham chaak inna.

Ku mii khat lee hin kṭhakma tummi kṭhakma ngi thul maan, pdainu mii mkheng dosut nathung ngi kṭha abin in.

Khat leh khat plung kinṭimmi jiam in; kparlin reen maan, pdainu kdil nong thung ngi karchin inra am in; ksing siingi karbin maan.

Eme, “Akahal kcha poi mthamta, apamaal cha; mning makraal ta mdoneek ra dii apii cha; mleija anto ktlo avangi mma luwleen mei ai kṭuwng purtuwl naan.”

Naan akapja kchaan phowl kṭha apiin, phowl kṭha apiinra pauhur buk maan. Kanpa rek akanpat ṭhiin, kṭap rek aṭa ṭhiin.

Kintiing rek dokriin apurdon pik in, mal akowl dei chaan.

Mleija nen ndaksaan khdaat thung ngi msing knempok amda, ungta msing mkheng nga mnong kinṭim sii me, ava leiji knempok nen ava Khrista thung ngi daksaa khdaat in pmin, ungu nen miipum ktaija daksaa thungki msing khat khat in pmin kdingi abin in.