Popular Bible Verses from 1 Fida 3

Share

Nono yama irauaiai ufoisaro moi orouma yabake meramawere ufeisaie Godima ya we ma irauaiai ufiaku. Enoba i oroubake ia da siaweke Yesu Keriso imuka mane imukenewaa uaweke Dawae iyanu Dai Waria Miya we imukada Danu ibi we ma uyaewe. Aina ainama yanu Godinu we bou ukeka mufone koro ukeifoisa ibaibake we nauke efeisaie emuabake irauaiai ukaada owainanaku moko weawe. Ure nudaroma weaweke iifa ukaada moko weawe. Yama irauaiai gienabu ukeka mane ukeibiawe. Eno ufoisaie i yabairo meramawere uke yafiakaisa i orouma iyanu Yesu Kerisonu irauaiai ukeka sineka ibake maru sifeisa.

Enoba Godi Dawa irau orou eraada emenu guriguri ukeka naukakua irauaiai mane uawe. Dawa eno ukakuke nono i meramawere ukaisa oroubake dino ukakuke emua medakunea, i Godinu bukaroma eno weaku.

Yanu ofe mane ma irauaiai ukekae idua me sifeku. I foumaro segina siane odekaini i wanaro sia wawekaini irau wau runekaini i mane irauaiai meroma nono yanu ma irauaiai ukekae i ari eno, irau imuka imukekaini imuka irauaiai ukeka ibake imukekaini imuka irau ukekaini i yaisinae yanu weree wereeye iduaya Godima eno imukaku.

I ari eno Godinu bukaroma eno weaku, ainama danu arara yewa ibekanu wirokekaini irauaiai ibifine ufekuie dawa wake ara da wefike meo da wefike dawa merama ukeka medifike irauaiai mane ufi. Dawa irau ukeka fou ufine yodia ufeku.

Nono ya emeakaini awekaboini ya yaisina yewa wake nauawe. Imuka demuiro imuawe. Imuka rooro bobo ibaada fukeru mero yanu yanu imuke makaeweke demuiro ibaada imukari uke makaewe. Aina ainama yabake meramawere uke yafiakaisaie emuabake moko meramawere da uke yayakawe. Ainama yabake wake meramawere wefekuie dawabake nono moko merama wake da yaeweke yama dawabake we ma irauaiai uawe. Anemebake Godi Danu arara iyama emebake we ma irauaiai ufero nono Dawama iya we ma irauaiai umine ibake iya we mune odii.

Godima eno ukakuba ibake yama irauaiai ufoisaie ainama yabairo meramawere ufeku?

I ari eno Godinu bukaroma eno weaku, ainama danu arara yewa ibekanu wirokekaini irauaiai ibifine ufekuie dawa wake ara da wefike meo da wefike dawa merama ukeka medifike irauaiai mane ufi. Dawa irau ukeka fou ufine yodia ufeku.

Godima iya eraada imukakuroma nono eme moima iyanu irauaiai ukekabake iya fanisi mafeisaie i dawa Godinu ibooro iyanu merama mero ie iduaya Godima eno imukaku. Nono iyama meramawere ufeisiro eme moima iya fanisi mafeisaie i dawa yanu meramaya Godima eno imukaku.