Popular Bible Verses from 1 Kurintu 11

Share

Pogkaponga to nigkoon sikandan, nigpurut din man do ka basu no duon woig to bogas to bunal. No kagi rin kuwo to mgo hibatoon din to, “Ka soini basu to woig to bunal, ian igmaganangon to ka langosa ku ka oghimu to iam no dalan dio to Magboboot. Libonglibongi now to og-inum, no ko og-inum kow, doromdomi a now ro to kamatayon ku.” Ian su to poghutuk ta to ogkoon to sikan no paan woy ka pog-inum ta to sikan no woig, igpohitaga ta ka kamatayon ni Hisus no ian Lagboy no Igbuyag ta taman to poglibong din kai to soini no kalibutan.

Ian su ian ku innangon kaniu ka sikan no in-anad kanak to Lagboy no Igbuyag ta no si Hisus to, ka sikan no marusilom no nigpanabod ni Hudas si Hisus, nigkokoon si Hisus woy ka mgo hibatoon din. No nigpurut din ka songo malison no paan. Ko nigpasalamatan din on ka Magboboot, nanlotiblotib din on ka paan no kagi rin to, “Ka soini no paan no nalotiblotib on, lawa ku no igbogoy ku no igliwan kaniu. No himua now ka soini no ogdoromdomon a now.”

Sikan ian to og-awoson to ogsumsumanon ta ka goinawa ta. No ko maawang on, ogkohimu no ogkoon ki to sikan no paan woy og-inum ki to sikan no woig to bunal. Ian su, ka sikan no otow no ogkoon to sikan no paan, woy og-inum to sikan no woig di kono din ogdoromdomon to ian ka igmaganangon to lawa ni Hisus no namatoy dio to krus, ogkabobootan on sikandin to iglogpad to Magboboot.

Nò, ko duon otow, agad hontow, no ogkoon to sikan no paan woy ko og-inum to sikan no woig no igparoromdom to Lagboy no Igbuyag ta di loin so tuud din, ogpakasalo on sikandin to lawa woy to mgo langosa ni Hisus no ian Lagboy no Igbuyag ta.

Sikan ian, unug kow to soi batasan ku unawa to songo og-unug a to batasan ni Kristu.