Popular Bible Verses from Hulubaton 16

Share

Itugyan sa GINOO ang tanan nga ginaplano mo nga himuon, kag mangin madinalag-on ka.

Nagaplano ang tawo, pero ang GINOO ang nagapatigayon sa sina nga plano.

Ang matam-is nga mga pulong pareho sa honey; makapalipay kag makapabaskog ini sa kabuhi sang tawo.

Nagaplano ang tawo, pero ang GINOO ang nagabuot kon matuman ina nga plano ukon indi.

Mas maayo pa ang tawo nga mapinasensyahon sang sa tawo nga gamhanan. Mas maayo pa ang tawo nga makakontrolar sang iya kaugalingon sang sa tawo nga makakontrolar sang isa ka siyudad.

Ang pagpabugal kag pagkamatinaas-taason sang tawo makalaglag sa iya.

Mahimo nga nagahunahuna kita nga husto na gid ang tanan ta nga ginahimo, pero ang GINOO ang makahukom kon ano gid ang aton motibo.

Ang tawo nga nagapamati kon tudluan magauswag. Bulahan ang tawo nga nagasalig sa GINOO.

Mas maayo pa ang gamay nga manggad nga ginpangabudlayan sing husto sang sa madamo nga manggad nga ginkuha sa malain nga paagi.

Mahimo nga nagahunahuna ka nga ara ka sa husto nga dalan, pero gali ang padulungan sini amo ang kamatayon.

Ang manuglibak nga tawo nagapaumpisa sang inaway kag nagaguba sang pag-abyanay.