Yela 84
84
Nɛn o bambile aa lawɛ Korowii Dea ka soɡa wa
Kora dea bii yel
1Nemenɛ Korowii,
n bambile lawɛ he Dea
kɛrɛdɛ.
2Bela waa dɛ ɛɛ mɛ taeh!
N dɛ nyin kɛ n fe aa lɔ he
Dea.
Mɛɛ ɡo silɛɛ yela
n bambile bwa nee tɛ
Korowii waa lole saŋ
bɛlbwa la.
3Joŋa kwara sɔh kɔne,
bilore ɡe dɔ a kɔne,
a bii yon do a bini,
he saraha kon la jwɛh,
bela baa fuh kwaa dɛɛ tɛɛ la.
Nemenɛ Korowii maa dɛ
tomɛ,
henee n kooro.
4Nɛra baa lɔ he Dea la,
ba na som.
Ba ɡo yela dɛɛ kpɛɛre
saŋ bɛlbwa.
5Nɛra baa dɛ hwɛɡɛ
he nɛɛ la, ba na som.
Banɔ la ba bambile aa lawa
kɛ ba valɛ kaa Saayɔn
Bwejen doa la.
6Ba valɔ kpɔ Baka Fɛlembɔjen
bini Korowii ɡel wɛɛ bule
o su,
kɛŋɔ yoo saŋ bwaala aa
nɛa dɛ ɡel o su.
7Ba dɔ bokpeɡa saŋ bɛlbwa
dɛɛ la,
ka tel kɛ baa na Korowii
o kpeɡri aa ɡwaa voɡa bwa,
Saayɔn Bwejen doa la.#Aes 40:31
8Korowii Waa Ɛ Koranar Bwa
Kooro, no n wesoŋa,
Korowii Jekɔb aa dɛ tomɛ,
no n be!
9N Naa Korowii,
swee ya kooro
waa dɛ tɔ yaa ɡbemɡbe
andɛɛɡa,
kooro haa leo cheɡ tɛ he
te la.
10Nɛn soɡe he Dea
tɔpebeŋkpoŋ ɡbo aa,
a bɔ kɛ waa kaa di
tɔpera kaɡboŋ bobɛl.
N fe ɛɛ che Korowii
maa dɛ tomɛ Dea
doonyoa dɛɛ daah bela,
dɛ́ ɡwaa kɛ maa kaa so
nyubinikpeɡ tena deremi.
11Korowiirii dɛɛ tɔ yaa
ɡbemɡbe, dɛ ɛ ya kooro
waa dɔ jirima.
O swee yaa andɛɛɡa,
dɛ sune ya nɛ,
dɛ tɛ yaa jirima.
Nɛra ba wa aa toɡra la,
waa ban kondɛɛɡe bɛlbwa
vɔmɛ.#Mat 7:11
12Nemenɛ Korowii,
nomɛlbwa waa kpɔ o te
dawɛ he nɛɛ la, o na som.
Избрани в момента:
Yela 84: mzw
Маркирай стих
Копиране
Сравни
Споделяне
Искате ли вашите акценти да бъдат запазени на всички ваши устройства? Регистрирайте се или влезте
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.