Yela 80
80
Israel harɛ nɛra Korowii aa bera lɛɛ ba wesoŋa
Asaf yel
1Israel Peteɡre, no ya wii.
Henee tɔ Josef naanar sie
kɛŋɔ peteɡre, dɛ so he
kookara ta, Kerobim la
baah ta.#Kaa 25:22
2Kpɔ he te chaɡle Efrem
ne Bɛnjamen dɛ Manasɛ
deene tena,
che he kpeɡri ta, dɛ́ ba lɛ yaa.
3N Naa Korowii, berɛ lɛ yaa,
sune ya nɛ, ásɛ dɛ lɛ yaa.
4Korowii Waa Ɛ Koranar Bwa Kooro,
saŋ besoo he bandia
nyoa ɛɛ ba sɔɔhna,
he nɛra wesoŋa ta nɔ?
5He ɡelɔ suna do kɛŋɔ
kondikwaa yaa di,
siniire ɡe do kɛ nee yaa nyɔ.
6He ɡelɔ harɛre nɛra
baa bar yaa cheme
yo dɔŋa ya harɛ wa,
asɛ ya dɔma chɛɡre yaa.
7Korowii Haa Ɛ Koranar Bwa
Kooro,
berɛ ba lɛ yaa,
sune ya nɛ, ásɛ dɛ lɛ yaa.
8He lawɛ yaa le Ijipt harɛ ta,
kɛŋɔ haa teŋe ɡrepo da,
dɛ ba doŋi harɛ la nɛra le o ta,
dɛ kpɔ yaa chɔɔ bela.#Aes 5:1-7
9He parɛ daa waa cheɡa tɛ
he nɛra Israel tena la mun.
O lune kaa bini,
dɛ kpeɡ tɔ harɛ la bwa ta,
kɛŋɔ he nɛra aa kaa so
Keenan harɛ ba mun ya la
ken.
10Daa la kpeɡo o kpala tɔ
bwejena ta,
hale pelema bwa ta.#80:10 Bonɔ dɛ baɡle kɛŋɔ Harɛ la berɛ ba kon, dɛ le weekaŋle harɛbɔr, dɛ ba kaa Lɛbanɔn bwejena weekaŋle nyunduabɔr.
11Daa la ta kpala ka le
Mɛdetereenea Mpo ta,
dɛ teŋe ba kaa Yufretis
Moo ta.#80:11 Bonɔ dɛ baɡle kɛŋɔ, Ba soɡe harɛ la ta, ba jwɛh ka le Mɛdetereenea Mpo ta, dɛ teŋe ba kaa Yufretis Moo ta.
12Ɛrɛɛ he ɡel nɛŋhɔɔhra dɔ bɔr
kuuɡi kon baa kpɔa
ke daa la nɔɔ?
Nomɛlbwa teŋo baa kaa laa,
wɛɛ won ba tɔɔ o nɔna di.#80:12 Bonɔ dɛ baɡle kɛŋɔ Ɛrɛɛ he ɡel Israel tena dɔma ba jo ba harɛ ta taraken, asɛ nɛŋhɔɔhra dɔ bɔr dɛɛ ŋwɛ, dɛɛ chɔɡ laala ɡɛ nɔɔ?
13Nɛŋhɔɔhra do kɛŋɔ chweri
dɛɛ tiɡri harɛ la ta,
kpɔɡ bini ola ɡee chɔɡo.
14Korowii Haa Ɛ Kpeɡri Bwa
Dɔɔ,
berɛ sie ya be.
Che nyundua nyiŋi, dɛ́ ba
lɛ yan yaa ɛ he nɛra,
15haa kpɔ yaa ba so bonɔ,
dɛ ɡel ya mun ya kohona
nɔ.
16Ya dɔma chɔɡ yaa
kɛŋɔ baa teŋe da, dɛ kpɔ
do nii ta o fuh la ken.
Gel he baah di ba nɛ,
he chɔɡ ba.
17Kpɔ nɔn tɔ nɛra haa
lee ba tɛ he te la nɛ,
lɛ nɛra haa lee ba dɛ
tɛɛ ba kpeɡri kohona la.
18Yaa habɔɔ berɛ kpoe kpa,
tɛ yaa bokpeɡfala,
ásɛ ya won kpɛɛre.
19Korowii Waa Ɛ Koranar Bwa
Kooro,
berɛ ba lɛ yaa,
sune ya nɛ, ásɛ dɛ lɛ yaa.
Избрани в момента:
Yela 80: mzw
Маркирай стих
Копиране
Сравни
Споделяне
Искате ли вашите акценти да бъдат запазени на всички ваши устройства? Регистрирайте се или влезте
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Yela 80
80
Israel harɛ nɛra Korowii aa bera lɛɛ ba wesoŋa
Asaf yel
1Israel Peteɡre, no ya wii.
Henee tɔ Josef naanar sie
kɛŋɔ peteɡre, dɛ so he
kookara ta, Kerobim la
baah ta.#Kaa 25:22
2Kpɔ he te chaɡle Efrem
ne Bɛnjamen dɛ Manasɛ
deene tena,
che he kpeɡri ta, dɛ́ ba lɛ yaa.
3N Naa Korowii, berɛ lɛ yaa,
sune ya nɛ, ásɛ dɛ lɛ yaa.
4Korowii Waa Ɛ Koranar Bwa Kooro,
saŋ besoo he bandia
nyoa ɛɛ ba sɔɔhna,
he nɛra wesoŋa ta nɔ?
5He ɡelɔ suna do kɛŋɔ
kondikwaa yaa di,
siniire ɡe do kɛ nee yaa nyɔ.
6He ɡelɔ harɛre nɛra
baa bar yaa cheme
yo dɔŋa ya harɛ wa,
asɛ ya dɔma chɛɡre yaa.
7Korowii Haa Ɛ Koranar Bwa
Kooro,
berɛ ba lɛ yaa,
sune ya nɛ, ásɛ dɛ lɛ yaa.
8He lawɛ yaa le Ijipt harɛ ta,
kɛŋɔ haa teŋe ɡrepo da,
dɛ ba doŋi harɛ la nɛra le o ta,
dɛ kpɔ yaa chɔɔ bela.#Aes 5:1-7
9He parɛ daa waa cheɡa tɛ
he nɛra Israel tena la mun.
O lune kaa bini,
dɛ kpeɡ tɔ harɛ la bwa ta,
kɛŋɔ he nɛra aa kaa so
Keenan harɛ ba mun ya la
ken.
10Daa la kpeɡo o kpala tɔ
bwejena ta,
hale pelema bwa ta.#80:10 Bonɔ dɛ baɡle kɛŋɔ Harɛ la berɛ ba kon, dɛ le weekaŋle harɛbɔr, dɛ ba kaa Lɛbanɔn bwejena weekaŋle nyunduabɔr.
11Daa la ta kpala ka le
Mɛdetereenea Mpo ta,
dɛ teŋe ba kaa Yufretis
Moo ta.#80:11 Bonɔ dɛ baɡle kɛŋɔ, Ba soɡe harɛ la ta, ba jwɛh ka le Mɛdetereenea Mpo ta, dɛ teŋe ba kaa Yufretis Moo ta.
12Ɛrɛɛ he ɡel nɛŋhɔɔhra dɔ bɔr
kuuɡi kon baa kpɔa
ke daa la nɔɔ?
Nomɛlbwa teŋo baa kaa laa,
wɛɛ won ba tɔɔ o nɔna di.#80:12 Bonɔ dɛ baɡle kɛŋɔ Ɛrɛɛ he ɡel Israel tena dɔma ba jo ba harɛ ta taraken, asɛ nɛŋhɔɔhra dɔ bɔr dɛɛ ŋwɛ, dɛɛ chɔɡ laala ɡɛ nɔɔ?
13Nɛŋhɔɔhra do kɛŋɔ chweri
dɛɛ tiɡri harɛ la ta,
kpɔɡ bini ola ɡee chɔɡo.
14Korowii Haa Ɛ Kpeɡri Bwa
Dɔɔ,
berɛ sie ya be.
Che nyundua nyiŋi, dɛ́ ba
lɛ yan yaa ɛ he nɛra,
15haa kpɔ yaa ba so bonɔ,
dɛ ɡel ya mun ya kohona
nɔ.
16Ya dɔma chɔɡ yaa
kɛŋɔ baa teŋe da, dɛ kpɔ
do nii ta o fuh la ken.
Gel he baah di ba nɛ,
he chɔɡ ba.
17Kpɔ nɔn tɔ nɛra haa
lee ba tɛ he te la nɛ,
lɛ nɛra haa lee ba dɛ
tɛɛ ba kpeɡri kohona la.
18Yaa habɔɔ berɛ kpoe kpa,
tɛ yaa bokpeɡfala,
ásɛ ya won kpɛɛre.
19Korowii Waa Ɛ Koranar Bwa
Kooro,
berɛ ba lɛ yaa,
sune ya nɛ, ásɛ dɛ lɛ yaa.
Избрани в момента:
:
Маркирай стих
Копиране
Сравни
Споделяне
Искате ли вашите акценти да бъдат запазени на всички ваши устройства? Регистрирайте се или влезте
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.