مَتّی 11
11
کَلام عیسیٰ عَن یَحییٰ الْمُعَمِّد
1عیسیٰ بَعَد ما خَلَّص مِن وَصایاه لِأثنَعَش تِلمیذه، خَرَج مِن أهناک خاطِر یِعَلِّم وَ یُوعِظ بي باجي مُدُن الْجَلیل.
2وَ وَکت إلْلي یَحییٰ بي السِّجِن سِمَع عَن أعمال مَسیح المُوعود، وَدَّه أثنَین مِن تِلامیذه یِمَّه 3خاطِر یِسِألونه: «هَل أنتَ ذاک إلْلي کون ایّي، لُو کون أنْضُل مِنتَظرین شَخُص آخَر؟» 4عیسیٰ بي الْجَواب گال: «روحوا وَ گولوا لِیَحییٰ کِل شي إلْلي إتْشوفونه وَ إتْسِمعونه، الَّذي 5الْعِمیان یِفَتِّشون، الْعِریان یِمشون، الْجُذامیّون یِطَهّرون، الطُّرشان یِسِمعون، الْمُوتیٰ یِحیون وَ الأبشاره تِنعِلِن لِلْفُقَراء. 6خِیعون ذاک إلْلي لِأجلي لا یِعثر.»
7وَکت إلْلي تِلامیذ یَحییٰ چانُوا یِرحون، عیسیٰ أبتِدَء بي الْحَچي عَن یَحییٰ وَ گال لِلْجَماعَه: «لِشُوفَة شِنهو رِحتوا لِلصَّحراء؟ لِشُوفَة گُصبَه إلْلي تِهتِز مِن الْهَواء؟ 8وَ لُو لا، لِشُوفَة شِنهو رِحتوا؟ لِشُوفَة زِلمه إلْلي لابِس هِدِم فاخر؟ ذاکول إلْلي یِلِبسون أهدوم فاخره هُمّا بي قُصور الْمُلوک. 9چا لِشُوفَة شِنهو رِحتوا؟ لِشُوفَة نَبي؟ نَعَم، أگِلکُم أحَد إلْلي أعظَم مِن النَّبي هَم. 10لِأن ذاک هُوَّ إلْلي مِکتوب عَنّه:
«”هَسّه راح أوَدّي رَسولي گَبلَک،
وَ گَبل لا تِیّي هُوَّ راح یِجَهِّز طَریقَک.“
11بِالْحَق، أگِلکُم، إلْلي أحَد أکبَر مِن یَحییٰ الْمُعَمِّد ما وَلَد مِن أمّه، أمَّن أضغَر شَخُص بي مَلَکوت السَّماء أکبَر مِنَّه. 12مِن زَمان یَحییٰ الْمُعَمِّد لِهَسّه، مَلَکوت السَّماء یِواجه هُجومات شَدیده، وَ الْجَبارین یِسعون یَأخذونه بي القُوَّه. 13کِل الْأنبیَاء وَ الْتُورات لِحَد زَمان یَحییٰ تَنَبَّأوا عَن یِیِّت الْمَلکوت. 14وَ لُو قابلین کَلامهُم، یَحیی هُوَّ إیلیاء إلْلي کون ایّي لِیِجَهِز الطَریق. 15کِلمَن عِندَه إذِن لِلسِّمِع، خِل یِسمَع.
16«بِش أشَبِّه هَذا الْجیل؟ یِشِبهون أطفال إلْلي یِگِعدون بي السّوگ وَ یِشتِکون لِصُحبانهُم:
17«”عِزَفنالْکُم نَاي، ما رِگَصتُوا؛
نِحنالکُم، ما لِطَمتُوا.“
18أگول هَي لِأن إیّه یَحییٰ إلْلي لا یَأکِل وَ لا یِشرَب، ایگولون: ”مِتلَبِّس روح شَیطانیّه.“ 19أمَّن إیّه ابن الْإنسان، یَأکِل وَ یِشرَب، ایگولون: ”هَذا الْزِلمه أکّال وَ شاروب خُمُر، صَدیق مُجَمِّعین الْضَریبه وَ باجي الْمُذنِبین.“ أمَّن أعمال وَ کَلام الْإنسان یِثَبْتَن إلْلي عِندَه حِکمه لُو لا.»
یا وَیل عَلَیٰ مُدُن إلْلي ما تابَن
20وَ عیسیٰ ضَل یِعاتِب أهالي مُدُن إلْلي عِمَل أکثَر مُعجِزاته بیهِن لِأن ما تابُوا. 21هُوَّ گال: «یا وَیلکُم، یا أهِل خورَزین! یا وَیلکُم، یا أهِل بَیت صِیْدا! لِأن لو مُعجِزات إلْلي عِمَلِتهِن بِینکُم چانَن صایرات بي صور وَ صِیدون إلْلي عابدین الْأصنام، أهالي أهناک مِن زَمان چان لِبسُوا أهدوم الْحِزِن وَ گِعدَوا عَلَیٰ الرَّماد وَ تابُوا. 22وَ بي یَقین أُعُرفوا إلْلي بي یُوم الْحِساب، الْعَقاب لِأهِل صور وَ صِیدون راح إیکون أسهَل مِنکُم. 23وَ أنتي یا کَفَرناحوم، هَلْ تِرُفعین رأسِچ لِحَد السَّماء؟ أبَد، بَل راح إتْطیحین بي أعماق جَهَنَّم. لِأن لو مُعجِزات إلْلي عِمَلِتهِن بیچ، چانَن صایرات بي مَدینة سُدوم الشَّریره، لِحَد هَسّه چانَت باقيه. 24أمَّن بي یَقین أُعُرفي إلْلي بي یُوم الْحِساب، الْعَقاب لِمَدینة سُدوم راح إیکون أسهَل مِنِّچ.»
وَعد الرَّاحه
25بي ذاک الْوَکِت، عیسیٰ إنْدَعیٰ: «یا أباه، صاحِب السَّماء وَ الْأرض، أحِمدَک إلْلي خِفَیت هِل حَقایِق مِن الْعارفین وَ الْفاهمین وَ بَیِّنَتهِن لِلْمِتواضعین. 26نَعَم، یا أباه، لِأن إرادتَک إلْلي مِتْروسه مِن الْلُطف چانَت بي هَي. 27بَعدِین هُوَّ گال لِلْجَمعیَّه: «أبوي وَکَّلني بي کِل شي. شَخص الْوَحید إلْلي یِعرُف الْابِن هُوَّ الْأب، وَ شَخص الْوَحید إلْلي یِعرُف الْأب هُوَّ الْابِن، وَ الْابِن یِکِشفه لِذاکول إلْلي یِرید.»
28«تَعالوا یِمّي یا جَمیع الْمُتعَبین وَ إلْلي حِمِلهُم ثِجیل، وَ أنا راح أرَیِّحکُم. 29أحِملُوا نِیري عَلِیکُم وَ تَعَلِّموا مِنّي، لِأنّي حَلیم وَ مِتْواضِع الْگَلُب، وَ لِنَفسکُم راح تِلگون راحه. 30لِأن نِیری هَیِّن وَ حِملي خِفیف.»
Цяпер абрана:
مَتّی 11: ACM
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
©️2024 Korpu Company