Другі ліст да Карынцянаў Раздзел 5
Раздзел 5
1 #
Мк. 14:58; Дзеі 7:48; 1Кар. 15:47; Геб. 9:11 Бо мы ведаем, што калі зямны наш дом, гэта хаціна, разваліцца, то маем ад Бога дом нерукатворны, але вечны ў небе.
2 #
Рым. 8:23
Таму мы цяпер уздыхаем, прагнучы апрануцца ў наша жыллё, якое ёсць у небе,
3каб толькі, і адзетыя, мы не апынуліся голымі.
4 #
1Кар. 15:51
Вось мы, знаходзячыся ў гэтай хаціне, згараваныя, уздыхаем, хочучы не пазбыцца яе, але прыадзецца, каб тое, што смяротнае, ахоплена было жыццём.
5 #
Эф. 1:14
На гэта і стварыў нас Бог, і даў нам заруку Духа.
6Дзеля таго мы заўсёды адважныя, хоць ведаем, што, пакуль жывем у целе, мы далёкія ад Госпада,
7 #
1Пёт. 1:8
бо ходзім вераю, а не бачаннем.
8 #
Плп. 1:21
Мы, аднак, адважныя ды маем добрую волю лепш быць далёкімі ад цела і апынуцца перад Госпадам.
9 #
Клс. 1:10
І таму імкнемся, ці пасяляючыся, ці высяляючыся, падабацца Яму.
10 #
Мц. 16:27; Ян. 5:9 Бо ўсе мы мусім з’явіцца перад судом Хрыста, каб кожны атрымаў належную яму плату за тое, што зрабіў ён у целе, – ці добрае, ці ліхое.
11 #
Юды 23; Геб. 10:31 Дык, ведаючы страх Госпадаў, мы пераконваем людзей, а перад Богам мы адкрытыя. Спадзяюся, што і для сумленняў вашых мы адкрытыя.
12Кажам вам гэта, не каб зноў сябе прадставіць вам, але каб даць вам магчымасць пахваліцца намі, каб мелі вы што сказаць перад тымі, што хваляцца абліччам, а не сэрцам.
13Бо калі мы не вылучаемся розумам, дык для Бога; а калі цвярозыя, дык дзеля вас.
14 #
Рым. 5:15; Клс. 3:3 Бо любоў Хрыста прынукае нас, якія разумеюць, што калі адзін памёр за ўсіх, дык усе памерлі.
15 #
Рым. 14:7; Гал. 2:20 І Ён памёр за ўсіх, каб тыя, што жывуць, ужо не для сябе жылі, але для Таго, Хто за іх памёр і ўваскрос.
16 #
Мц. 12:46
Таму і мы ад гэтага часу не ведаем нікога паводле цела; і калі ж мы Хрыста спазналі паводле цела, дык ужо цяпер не ведаем.
17 #
Рым. 6:3
Бо хто ў Хрысце – новае стварэнне; старое мінула, вось, усё сталася новае.
18 #
Рым. 5:10; Эф. 2:16; Клс. 1:20 Усё ж ад Бога, Які пагадзіў нас з Сабою праз Ісуса Хрыста і даў нам служэнне прымірэння,
19 #
Рым. 3:24; Клс. 1:20 бо, вось, Бог у Хрысце пагадзіў свет з Сабою, не ўлічваючы ім злачынстваў іх, ды ўсклаў на нас слова прымірэння.
20 #
Ян. 20:21; Эф. 6:20; 1Тэс. 4:1 Дык мы замест Хрыста пасланы, як бы Сам Бог просіць праз нас: за Хрыста просім, пагадзіцеся з Богам!
21Бо Ён Таго, Хто не ведаў граху, учыніў за нас грахом, каб мы ў Ім сталіся справядлівасцю Божай.
Цяпер абрана:
Другі ліст да Карынцянаў Раздзел 5: ББЧ
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© МХРБ «Біблейскае таварыства ў Рэспубліцы Беларусь», 2017