Першы ліст да Цімафея Раздзел 3
Раздзел 3
1 #
Ціт. 1:5
Вернае слова: калі хто епіскапства жадае, добрай справы жадае.
2Епіскапу належыць быць беззаганным, мужам аднае жонкі, цвярозым, разумным, сумленным, гасцінным, вучыцельным;
3 #
Ціт. 1:11; 1Пёт. 5:2 не п’яніцаю, не задзіраю, не карыслівым, але далікатным, не сварлівым, не сквапным,
4 #
Ціт. 1:6
добрым гаспадаром уласнага дому, які трымае ў паслухмянасці дзяцей з усякай пашанай, –
5 #
1Цім. 5:8
бо калі хто не можа кіраваць сваім домам, як жа будзе рупіцца аб Царкве Божай? –
6не можа быць з нованавернутых, каб не ўзбіўся ў пыху і не трапіў на суд разам з д’яблам.
7 #
Клс. 4:5
Яму належыць мець добрае сведчанне ад тых, што навокал, каб не трапіў у пагарду і ў пастку д’ябла.
8Таксама і дыяканы [хай будуць] паважныя, не двуязычныя, не прагавітыя да віна, не сквапныя да нажывы,
9якія захоўваюць таямніцу веры ў чыстым сумленні.
10І яны павінны быць перш выпрабаваныя, і потым, калі не будуць мець ніякай правіны, хай служаць.
11Падобна і жонкі – паважныя, не абмоўныя, цвярозыя, верныя ва ўсім.
12Дыяканы каб былі мужамі аднае жонкі, якія добра кіруюць дзецьмі сваімі і сваім домам.
13 #
Мц. 25:21; Лк. 19:17 Тыя, што добра спаўняюць служэнне, здабываюць сабе пачэсную ступень ды вялікую ўпэўненасць у веры, якая ёсць у Хрысце Ісусе.
14Пішу табе ўсё гэта, маючы надзею прыбыць да цябе неўзабаве.
15 #
1Кар. 10:32; Геб. 3:6 Калі ж замаруджу, каб ведаў ты, як маеш трымацца ў доме Божым, які ёсць Царква Бога жывога, стоўп і ўмацаванне праўды.
16 #
Мц. 3:16; Лк. 24:51; Ян. 1:14; Рым. 1:4; 1Кар. 15:5; 2Кар. 1:19; Клс. 2:9; 1Пёт. 1:20; 1Ян. 1:2 Ды агульна прызнана, што вялікая таямніца пабожнасці: Бог аб’явіўся ў целе, засведчаны Духам, паказаўся анёлам, абвешчаны народам, прыняты вераю ў свеце, узнесены ў славе.
Цяпер абрана:
Першы ліст да Цімафея Раздзел 3: ББЧ
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© МХРБ «Біблейскае таварыства ў Рэспубліцы Беларусь», 2017