Папулярныя біблейскія вершы з LOS HECHOS 4

Падзяліцца

bi' cha' nchca ji'i̱ cua'ni lyaá ji'na ji'i̱ lcaa cha' cuxi nu ntsu'u ji'na; ná ntsu'u xa' ñati̱ tyucui ña'a̱ chalyuu nu nchca la ji'i̱, cha' sca ti ji'i̱ Jesús cua nda ycui' Ndyosi chacuayá' cua'ni cña bi'.

Lo'o cua ndye cha' nchcui' ngu' lo'o ycui' Ndyosi, li' ngüiña ni'i̱ su nga'a̱ ngu' bi'. La cui' hora jlo ti' ngu' cha' chañi cha' ndyanu Xtyi'i ycui' Ndyosi ne' cresiya ji'i̱ lcaa ngu' bi' li', bi' cha' nga'aa ndyutsi̱i̱ ngu' lo'o nda ngu' cha' ji'i̱ ycui' Ndyosi lo'o xa' ñati̱.

Xu'na ya, ña'a̱ nu'u̱ ca nde juani cha' tyaala tsa ngu' ña'a̱ ngu' ji'i̱ ya. Nti' ya cua'ni ya cña nu ngulo nu'u̱ ji'i̱ ya, bi' cha' xtyucua nu'u̱ ji'i̱ ya juani cha' caja juersa ji'i̱ ya, cha' ná cutsi̱i̱ ya nu lo'o ta ya cha' jinu'u̱ lo'o ñati̱ re ―nacui̱ ngu'―.

Ñi'ya̱ laca sca cuityi ni'i̱ nu nchcua̱a̱ sca quee tonu cha' ná tso'o nti' cuityi, masi stu'ba tsa ña'a̱ loo, jua'a̱ laca cu'ma̱ cha' ná ntaja'a̱ ma cuna ma̱ cha' nu cua nchcui' Jesús lo'o ma̱; ñi'ya̱ laca quee bi' nu cua nchcua̱a̱ ma̱ ji'i̱, jua'a̱ laca ycui' Jesús, cha' ná ndaquiya' ma̱ ji'i̱ yu tsiya' ti. Pana juani loo la laca nu Jesús bi'

Ndyuna ngu' cha' nu nchcui' Pedro, cuati ña'a̱ tsa ngu' ji'i̱ Pedro lo'o Juan: ―¿Ni cha' laca ná ntsi̱i̱ ngu' re nchcui' ngu' lo'o na? ―nacui̱ ngu'―. Si'i ñati̱ tlyu laca ngu', si'i ñati̱ nu ngua tsa'a̱ quityi laca ngu' re. Li' ngua tii ngu' cusu' cha' cua nguta'a̱ ngu' lo'o Jesús.

Se'i̱ ti ndi'i̱ lcaa ngu' nu ngusñi cha' ji'i̱ Jesucristo, stu'ba tsa ndu'ni lcaa ngu' bi' lo'o tya'a ngu', sca ti cha' ntsu'u tyiquee lcaa ngu'. Nda ngu' lcaa na nu ntsu'u ji'i̱ ngu' cha' xtyucua ji'i̱ lcaa ngu' lo'o tya'a ngu'.