Папулярныя біблейскія вершы з ŊAƁTA 14

Падзяліцца

May nigi ma ŋel vun Ma-Vatɗinɗi, ligi nar kay sum sa hay naga na'taɗi, nay ma parsi goy ki us ɦawa nala, ŋus ma kisin may loɗi, Ma-Vatɗin ka hiɗi naya, nigi ma li nar kisiɗi.

Ma-Vatɗina may muɗ ɦiy koloyɗi, ŋaata valam suwiya, nam vul gida kay jiw-zlata hiɗi ŋel-vunda; may sa ma li joo nam hinim goy sle'ɗi, jiw-zlata vi sumayna nam ka kitata va' kay gurona tam jafsi voksi ɦidi kaw fiɗi kaw.

La Ma-Vatɗin lay slugotawa ni, nam ma naray hay nagat na'ta, nam ma vulay naga na'ta: Na' ti nagat ta miira hiɗi yumda ka riŋ goy haya.

Kay sa ma sunda van Kaleb ŋusta ta hayamta na' ir va'a, nam hum kuɗ dita van noŋ kafe, nan ma naram hay naga na'ta ta nam ay haya'ta, gurona valam ma lak haya'a.

Naŋ ma disiya: Ma-Vatɗin di ala nam ka iriya, nam min li tigiya ki nigi law hay humam nala.

Ma-Vatɗina hot di mi Musus ala: Sumun kayni ma ɗuwan birek-cek ki kayn nala ta-ta dok-doko vat lancitige? Nisi ma lak bay vi hayanu ki kayn nala dok-doko ta-ta lancitige? Hiɗi ɗekka ta nan la' jarsit kayn pet kaw?

Gurona vi Israyel kaf ŋurnay kat Musus hiɗi Aaron, sumun kaf ka disi ala: Numa may mitay hay nagata vi Egipte numaɗi kay mige? Numa may mit muma hay fuldaɗi kay mige?

Kuɗ nisi sa tuɗ fek nagatna ki Yosuwa goora vi Nun hiɗi Kaleb goora vi Yefune nala, nisi jet sligara visi goyo, nisi ka di tam gurona vi Israyel ki kayn nala: Nagata ta numa ŋuy haya'a kay feka'ta kayn ti naga ta ŋaa ŋolo, na' jifiya.

May nan ka iriya, gajijita vanu ma hob yam nagat kaf. Nisi kaf sa wi gajijita van hiɗi irsiya, hiɗi ɗekka ta nan la' hay Egipte, hiɗi hay fulda kaw, sa nemanawa sem doogo, sa min human vunan noŋɗina, nisi kaf kayni, nagat ta nan yi va kanu kay vula' mi sumaysita, nisi sa ɗuwan birek-cek kaf kayni as wi naga na'taɗi.