Папулярныя біблейскія вершы з Nzyeté 1

Падзяліцца

E Ssé gwaa cʉ́me ńgɔɔn ngie: «Pege pwóon nyìŋ mesoŋ á gwɔ́ páʼ pege, à kwaʼ sẅé wégè, à ge pú gẅiin nò na messó mie ée tsɛ̀ɛ ntse máŋʉ́, é pú gẅiin nò na meshʉ̌ŋ mie ée tÿǒ mbɔɔ mie ée ssé, é pú gẅiin nò na mekúe menɔ̀ɔn, é pú gẅiin nò na menɔ̀ɔn mbàʼ, tà mbɔɔ megígyé menɔ̀ɔn pie é gwá ńkʉ́ʼʉ ndùmo ssé tsetsáʼ!» E Ssé pwóon pʉ̀a mesoŋ é gwɔ́ páʼ yé, Ḿbwóon wɔ́b, pɔ́ kwaʼ sẅé yé Ssé, Ḿbwóon wɔ́b púʼu, á gwɔ́ mámbàŋa pɔ́ manzwě.

Ńgÿo púʼu, ńgwaa cÿɔʼɔ wɔ́b ńne ńgɔɔn, ngie: «Pi zyé mboŋó, ngẅɛ̀ gi zyéen, ḿbú ńjÿó ndùmo ssé tsetsáʼ, pi gẅiin nò na tsetsáʼ, ḿbú ńgẅiin nò na messó, ḿbú ńgẅiin nò na meshʉ̌ŋ, ńgẅiin nò na menɔ̀ɔn pie é gwá ńkʉ́ʼʉ ndùmo ssé tsetsáʼ.»

Á laa nzyeté, e Ssé gÿo lefaŋ pɔ́ tsetsáʼ gwɔ́ wó.

Atsetsáʼ la zɔɔn ńgwɔ́ pɔ́ te shÿó, té lagá mmó, amwòonnzém pwoon ndùŋmvfò ntse tépàa, à Zẅìge Ssé pú ńgwɔ́ ndùm ntse ésele.

E Ssé leen ńké ńgɔɔn ngie: «N kwǒŋ ngie kyɛ̀ʼ gwɔ́ wó!» Akyɛ̀ʼ gwóon ńgwɔ́ wó.

E Ssé gyá ngie kɔ̀ɔkɔ́ɔ gie à gÿǒ wɔ́ɔ, áa mbòŋ. Nzěm piŋ síŋ, njÿó gÿo ńdʉ́a, wɔɔn lɔgɔ ńgwɔ́ mbɔ́ɔntè lyɛ̌ʼ ntɔgɔ́.

E Ssé gyá páʼ, akyɛ̀ʼ áa mbòŋ, ńdeen ńké faga kyɛ̀ʼ na nzěm.

E Ssé pɔ́ɔnte ńgɔɔn ngie: «Mèŋ, n gʉ̌a ndùmo ssé tsetsáʼ ntsèm, ḿbú ńná megǐ mie é zéme memvòm, lâ metÿǒ mie é zéme mentɔ̌ɔn mie é gẅiin mesɔ̀ɔn kà membaŋ wɔ́ɔ né pi. Memvòm kà mentɔ̌ɔn mɔ́b wɔ́ɔ, e gwɔ́ shúm léjÿó mbwó pi.

E Ssé tsẅi lezíŋ kyɛ̀ʼ lê fʉ̀ʼʉ zsǒ, ḿbiŋ ńtsẅi se nzěm lê fʉ̀ʼʉ letsẅɛ́ʼ. Nzěm piŋ síŋ, njÿó gÿo ńdʉ́a, wɔɔn lɔgɔ ńgwɔ́ ndùŋmvfò lyɛ̌ʼ.

E Ssé leen ńké ńgíŋe ńgɔɔn ngie: «N kwǒŋ ngie ntsɔ̀ʼ tépàa gie e ge shʉ́a mentse nzsè pʉ́a, e gwɔ́ wó!»

Ńgʉa na menɔ̀ɔn ntsèm ndùmo ssé tsetsáʼ, pâ meshʉ̌ŋ ntsèm, tà mbɔɔ kɔ̀ɔkɔ́ɔ gie á gwá ńkʉ́ʼʉ ndùmo ssé tsetsáʼ, tà ńgẅiin zẅìge, esɔ́b shúm léjÿó sie n nǎ, ée megǐ.» Ńgɔɔn, á gwóon ńgwɔ́ púʼu.

E Ssé gíŋe ńgɔɔn ngie: «N kwǒŋ ngie shúm sie é náa kyɛ̀ʼ e gwɔ́ lefaŋ, lélɔg faga fʉ̀ʼʉ zsǒ na fʉ̀ʼʉ letsẅɛ́ʼ; é ge gwɔ́ meliŋé lélɔg ńzáb melyɛʼɛ́ línɔ̀ɔn, ńzsé mefʉ̀ʼnjÿó mbɔɔ mengùʼu láʼ

E Ssé gíŋe ńgɔɔn ngie: «N kwǒŋ ngie shúm sẅisẅê sáʼa ndùmo ssé tsetsáʼ: púʼu, megǐ ne ńnáa membyè mɔ́b, metÿǒ mentí mentí mie é zéme ntɔ̌ɔn, e ne náa mɔ́b membyè!» Ńgɔɔn, á gwóon ńgwɔ́ púʼu.

Entsɔ̀ʼ tépàa gwóon ńgwɔ́ wó. E Ssé gÿo púʼu, ńdɔg shʉ́a mentse, metsɔ́ gwɔ́ nzème ssé, metsɔ́ gwɔ́ nzème tÿǒ.

Eshúm sẅisẅê sáʼa ndùmo ssé tsetsáʼ: yɛ̌ ntí legǐ wɔ́ɔ ná ye mbyè, yɛ̌ ntí tÿǒ wɔ́ɔ, é zém mentɔ̌ɔn mie é náa mɔ́b membyè. E Ssé gyá ngie, áa mbòŋ.

E Ssé gÿo shúm selÿò sépʉ́a sie é náa kyɛ̀ʼ, wɔɔn gwɔ́ nèm gẅie áa mmó kyɛ̀ʼ yelÿò, á lɔg ńkyɛʼɛ fʉ̀ʼʉ zsǒ, wɔɔn gwɔ́ saŋ gẅie áa mmó kyɛ̀ʼ yekʉ́, á lɔg ńkyɛʼɛ fʉ̀ʼʉ letswɛ́ʼ. Ńgÿo púʼu ńgíŋe ńgÿo mecÿɔ́ʼsaŋ.

E Ssé gíŋe ńgɔɔn ngie: «N kwǒŋ ngie mentse mie é pú ńjÿó jʉʼ ndùmo ssé tsetsáʼ, e pú ńcúʼte tàʼa jʉʼ, ńdɔg ńgÿo, ajʉʼʉ njube jubé kẅɛ.» Ńgɔɔn, á gwóon ńgwɔ́ púʼu. E Ssé tsẅi lezíŋ jʉʼʉ njube jubé lê ndùmo ssé tsetsáʼ, ńtóŋo jʉʼ gie mentse cuʼté wó lê ntse máŋʉ́, e Ssé gyá ngie, áa mbòŋ.

Á gÿo púʼu ńgwaa cÿɔʼɔ wɔ́b, ńne ńgɔɔn ngie: «Pi zyé mboŋó, ngẅɛ̀ gi zyéen, ńjÿó mentse máŋʉ́, meshʉ̌ŋ shʉ́a yɔb ngẅɛ̀ ndùmo ssé tsetsáʼ.»

E Ssé gɔɔn ngie: «N kwǒŋ ngie shúm mentí mentí sie é gẅiin zẅìge pú ńgwɔ́ ndùmo ssé tsetsáʼ; é menɔ̀ɔn mentí mentí pie ée mekúe menɔ̀ɔn, é megígyé menɔ̀ɔn, tà mbɔɔ pie é tsẅé pɔ́ mbàʼ. Ńgɔɔn, á gwóon ńgwɔ́ púʼu.»

E Ssé gɔɔn ngie: «N kwǒŋ ngie mentse gẅiin menɔ̀ɔn tà e gyɔ́ɔn, é pie é gẅiin zẅìge, ḿbyé kɔ́ɔn; meshʉ̌ŋ piŋ ḿbú ńziete tÿǒ tÿǒ.»

E Ssé gÿo menɔ̀ɔn gwɔ́ ndùmo ssé tsetsáʼ mentí mentí púʼu, epie é tsẅé pɔ́ mbàʼ gwɔ́ mǒ, epie ée mekúe menɔ̀ɔn gwɔ́ mǒ, tá ḿbiŋ ńgÿo megígyé menɔ̀ɔn mentí mentí. E Ssé gyá ngie áa mbòŋ.