Папулярныя біблейскія вершы з Danyeli 3

Падзяліцца

Nɔɔna batɔ bam de ma leiri‑o ba we, “Pɛ Nebukadeneza, ko dae se dé ŋɔɔne dé jwoŋi dé tete dé yage taane dento baŋa ne. Dé nam yei liŋ we, n ná pɛ se ba dole debam ba de min-vogo konto wone, debam Wɛ delo dé na zuli to wó wane o liiri debam de wone, ye o daare o vere debam n jeŋa ne o yage. O nam ná wo jwoŋi debam o yage mo de, dé wó ta zwa-poora mo se n lɔre we, debam bá fɔge dé zuli nmo wa yam, dé nam bá jɔɔne sabu-seŋa nyenyego konto n na ke n zege to.”

O daa maa we, “Ko nam ke tɛ mo ye a na nɔɔna bana na kare mini dem wone ba via? Ba yera yam daa wo vɔge, ye kolokolo ba daane-ba.” O ta ma ta o woli da we, “Nɔɔno wolo na ke bana tu to nam nye de o ye wɛ dedwoŋi mo!”

Pɛ Nebukadeneza laam ma ta o we, “Ko ná ye Wɛ delo Saderake, de Mesake, dedaane Abedenego na zuli to, wonto maŋe de tia mo. Kokuri to, o toŋe o maleka mo se ka ba ka jwoŋi o tontoŋena bam konto ka yage. Ba nam ke ba wo-dedoa ded‑o, pa se ba ve amo ni dem. Ba sɛ se ko ná ye toone de, se ba te, kolo ŋwaane ba ke ba boboŋa ne we, ba bá sɛ ba zuli wa yadwonna ba leiri ba tete Wɛ dem yuu ne.

Amo zem mo nam pɛ ni we, nɔɔno ná nwoŋi teo kolo maama ne, naa dwi delo maama ne, ye o ná ŋɔɔne taane delo maama, kotu ná ŋɔɔne Saderake, de Mesake, de Abedenego Wɛ dem o ja o chɔge, se ba cha kotu mura-mura. O sɔŋɔ de nam wó ji di-dwoŋo mo. Kokuri to, wɛ dedwoŋi daa tera, ye de wó wane de jwoŋi de nɔɔna de yage nenɛɛne banto Wɛ dem na ke tei tento to.”