Папулярныя біблейскія вершы з Danyeli 2

Падзяліцца

“Tei-na Wɛ yere dem se ko taa vei wuu! Kokuri, wonto mo ye yeino tu, ye o dam gaale. Wonto mo pae se wonnu ke te maŋa ne. O maa pae pwa jei ba di paare, ye o ta pae ba badwonna ga ba paare dem. O ye wolo mo na kwei swa o pa swa tiina to, ye o daare o pa se yeino yi yi-pore-nyena de. Wonto mo le wonnu telo kuri nim na chana ye te seigi to. O maa yei kolo maama na wo lim wone to. Pwooni de maa kaare o maama de pu.

Danyeli ma leiri‑o o we, “Swa tu tera, naa yi-naro, naa liri-mwa tu, naa yi-pore-nyem tera, se kotu wane o lɔre wo-siseigo kolo nmo na tage to kuri o bere‑m. Telaao Tu Wɛ wom nam wora, ye wonto mo wae o kwei wonnu telo na seigi to o bere jaja. O ma kuri se o bere nmo kolo jwa na wó ke to. A laam wó ta n ya na tigi n dɔa ye n dwɛ wonnu telo to, dedaane boboŋa yalo na tu n yuu ne to kuri a bere‑m.

Ko nam na ye tei to, pwa bam konto paare dim ta ba ti, de Telaao Tu Wɛ wom na tu o chwi paare dedwoŋi. Dento paare dem nam lage de taa wora se ko taa vei wuu mo. Nɔɔn-nɔɔno bá wane-de o che. De maa wó chɔge paara yadwonna yam maama pa se ya jei. Paare dem konto tete nam wó taa wora taa wuu.