Папулярныя біблейскія вершы з Netume 2

Падзяліцца

Nsi ju' nkua' mube, nkwimte kàn se s'a wat bo Abraham, Isak mba Yakob là. A lôte bon Israél, mbèn ndèn yube.

Ngelaṅ yàm lo be tôge, mfen Egipto kwù. Bon Israél tse bo ke nke' ntsham zwe ntùm ndà kuan nà, tshag nze yub tù nkua' mà ndà kuan, nze yub nèn tà kum mbaṅ Nsi.

Ngelaṅ mén ku' là, a lo' i nèn mfà ngon Faraon, a nke ntshagt'é mba nshum i là, ntswi lén se ndù Mosé, nummb'a lo tshob ndù: Me sô i à ntùm ntse.

Ngon Faraon tshob ndù: Lo' mén ni nèn nyô me; me nsi fà yu nkàbfa' wù. Mènnzwi lo' mén nèn nyô i.

Tshù, ngon Faraon swe' nse' sôg wut ntse, ghafa' tse tse bènnzwi nke nkatte nkaṅ ntse. A tsin njen ketswe' netèt nka'nesoṅ, ntum ngafa' i ze mènnzwi ndù a nèn nkele.

A lo be ndùse Mosé be ndùb là, a nèn lôte fèt tse. Tu wul i yen nànte mfa' mi bo ke ma'ni fèt tse bwe là miag mi. A te lag num mo' mén Egipto z'a ke ntsham mén Héber mo' mèn netèt fèt tse là. Mosé ma' miag mbaṅ i, ke yen sàm mènntùn, ndùlal'a zwi mén Egipto, ndem fe i ntùm nkwango'.