Папулярныя біблейскія вершы з Awos. 10

Падзяліцца

Tema nai Ekapolon neni a Moses, “Ape neni a Parao; anerae etogogoŋ ayoŋ akou keŋ ka ŋuna a ŋulu ipukatotor iŋes, ikotere ayoŋ etiyae ŋakujuwuanisya kaŋ neni kec ka emaikina nai iyes kitatamyanakis ŋidwe kus ka ŋipapae kus epite ŋolo abunio ayoŋ esicania Ŋijipitian aryenyaana ka ŋolo abunio ayoŋ etiyaa ŋakujuwuanisya kaŋ neni kec, ido iyenunete iyes atemar arae ayoŋ Ekapolon.”

Tema nai Ekapolon neni a Moses, “Kikyaa akan kon kidiama, ikotere toburusiya akwap a Ijipit akiryonut ŋina epedori ainakin ŋituŋa ekabule.” Aŋun, abu Moses kikyaa akan keŋ kidiama, ido abu akiryonut ŋina eryonon cuc, toburusiya akwap a Ijipit daadaŋ todolo ŋirwa ŋiuni iryono cuc. Mam ituŋanan apedori akiŋolikin ŋinice, kori mam ŋini abu torotok iwace anakibois keŋ alotooma ŋirwa ŋul ŋiuni. Nai ayai akica nakiboisyo daadaŋ ŋuna aya Ŋisirael.

Aŋun, abu Moses kikyaa ebela keŋ kidiama nakwap a Ijipit, ido abu Ekapolon kitukut ekuwuam alowae a ŋolo alo Kide, tokutak akwap ŋin apaaran daadaŋ ka akuwar daadaŋ. Ani ŋisaae ŋulu ewalarya, todolunio ekuwuam emaase. Bu emaase nakwap a Ijipit daadaŋ, torubak eyai nen lotela ŋulu ka akwap a ŋin daadaŋ elal nooi isijisija. Nyetakanuna sek ekiŋaren emaase ŋolo etya ŋol nakwap ŋin, mam daŋ nyetakanuni nabo jik.