Папулярныя біблейскія вершы з PAKI TEA NI ROMA 6

Падзяліцца

Nalakena namoriana ni namarinaleosaana e pei namateana; ma navituam̃olikiana ki Sup̃e e pei namauriana waina e du mau du doko Kristo Yesu Nawota anigida.

Nalakena namarinaleosaana ega wo da maramara dap̃au mu mau: nalakena ku da doko etano ki nawotaeana mau, ma ku doko etano ki nasaup̃iaana.

Nalakena tea wanogoe tu pei tea ovakiana sikoti a pae nabapetisoana paki namateana: naga dakiusi waina Kristo e pei tea sikeana duleana m̃elu dua ki tea mate maga pae nasamasamaana ki Tamana, dapala nogoe nigida ma tuga surata pae naveiteavauana ni namauriana.

go kuga ta pitua ki naleo kakamu maga paki namarinaleosaana mau, dapala naleo ni nawosiwosiana maga ni namarinaleotageleana; ma kuga tum̃amu pitua ki mu paki Sup̃e, dapala tea mauri maga m̃elu dua ki tea mate maga, go naleo kakamu maga euga tapala naleo ni nawosiwosiana maga ni namarinaleoleanaana paki Sup̃e.

doko atae tea waia, naga naatam̃oli tuai kakagida e pei tea turiana sikoti a nakau valadagoto, naga nap̃atoko ni namarinaleosaana ega vei tea maripuolikiana, naga nigida tuga ta moro pei naviti ni namarinaleosaana mau

Dapala nogoe nimu ma kuga tum̃amu midoaki mu naga ku pei tea mate paki namarinaleosaana, ma tea mauri paki Sup̃e doko Kristo Yesu.

Nalakena tea wanogoe tuga wo noa nasava? Tuga toko namarinaleosaana doko naga nasaup̃iana ega laapa kite? Ega ta dapala nogoe mau. Nigida waina tu mate paki namarinaleosaana tuga to mauri doko asa dapale sava?

Ku da atae naga tea waina ku dum̃amu pitua ki mu paki asa dapala tea suasua maga paki narogoparatikiana, ku pei tea suasua maga ki tea waina ku dogo parati ki nia; tea suasua maga ki namarinaleosaana paki namateana, kite ki narogoparatikiana paki namarinaleoleanaana?

Ma Sup̃e ega vei tea vasadodom̃atakiana, nalakena ku pea pei tea suasua maga ki namarinaleosaana, ma ku dogo parati ki pae nap̃op̃omu naatulakeana ni navasapiseikiana waina ku pei tea vituakiana paki asa; go ragi waina ku pei tea veresiana m̃elu dua ki namarinaleosaana, ku pei tea suasua maga ki namarinaleoleanaana.