Папулярныя біблейскія вершы з PAKI TEA NI ROMA 5

Падзяліцца

Ma Sup̃e e mari nadodomiana aneana paki gida e doko lina, nalo ni, ragi waina nigida tu ko pei tea mari naleo sa maga, Kristo e manigida mate.

go naleogoroana e da mari gida tu maliere mau; nalakena nadodomiana ki Sup̃e e pei tea takiana np̃op̃ogida pae Naatana Tapu waina e pei tea vituakiana paki gida.

Go tea wanogoe e da sikina mau, ma tu pakavakae nalakena nariesokiana maga: tu atae naga nariesokiana e mari nasokiana; go nasokiana e mari namaridogoana; go namaridogoana e mari naleogoroana

Nalakena tea wanogoe waina tu pei tea marileanakiana ki nasaralomauana tuga veani natam̃ateana paki Sup̃e pae Nawota anigida Yesu Kristo; waina tu peani pae asa naviragiana ki nasaralomauana paki nasaup̃iaana wanogoe waina tu lawodu asa, go tu do pakavakae nalakena naleogoroana ni nasamasamaana ki Sup̃e.

Nalakena ragi waina nigida tu ko manainai doko, Kristo e magi tea sigisigileo maga mate ragi kakana.

Nalakena tea wanogoe, waina tu pei tea marileanakiana ragi waia ki nadana, tuga wo pei tea mautip̃auriana pae asa m̃elu dua ki namaetoana ki Sup̃e ega warua liu.

Nalakena dakiusi waina tea laapa eu pei tea mariana eu pei tea mari naleo sa pae narogopiriana ki naatam̃oli sikai, dapala nogoe tea laapa euga wo pei tea mariana euga wo leana pae narogoparatikiana ki tea sikai.

go tea wanogoe e da sikina mau, ma tu do pakavakae Sup̃e pae Nawota anigida Yesu Kristo, waina tu dape navei‐p̃op̃o‐wia‐ana pae asa ragi waia.