Папулярныя біблейскія вершы з Anihiburu 12

Падзяліцца

Wee re ka áa nyị onivenu ọrụrụ-ọrụrụ ana kara yị aanị. Agụvị avọọ ịsa tụra ịsa ana àa vaa dọ yị oro, à vẹ ya sị ọọ kwooze beri ịvị anaā paraa za yị biri-biri! À vẹ ya jẹẹ geri-geri, di yee zwe echi ana yà ọvịdị ayị! À vẹ ya sị eyi pe Ijeesu! Ọnị ọ mẹ ka ye nyima ẹdọwụ, dị ọ rẹ mẹ ka ẹdọwụ ayị ọnọọ ọ̀ gụ nị. Ộ dọ ka oni ò sú isu ụhị ị́rẹsụ ọchị apavahị. Ọ yị za ụhị ọnọọ ịrịka tụ́ ịnị ịsọnyị-ịsọnyị agụvị ịrajẹ ọyịjẹ oni Ohomorihi sị tịtẹ ee zí ọọ. Ọ yaayịtẹ éyi ụvọrị ịnị aga Ohomorihi ohinọyị booro aanị.

Ịnị ụmẹ ana àaa sịị sị ụyaa rị yị, o vee du yi ayị, yẹ yị vaa jẹ. Ama ọdịrẹma anị, ụyọrị ọnọọ vaa mẹ ka aza ana sị ẹngụ dọ ọ, ẹ̀ẹ mẹ̀ ịsa ana vọrọ, dị ẹ rẹ yaa mẹ̀ ebira ẹngwọọrọ.

Sị vụrị, di u we re ka wáa sị ẹngwọọrọ pe aza aa mẹ; dị ụ wa rẹ sị vụrị di u we re ka waa mẹ̀ ebira ọnịnị nịnị! Agụvị ka aza ẹnẹ ẹ̀yị vavọọ mẹ, eyi ve zuu re Ananyị yị.

Roo nịnị dị a re ẹngụ ọza ana vavọọ sị ẹngụ dọ ịsa edivi ọnị ọnịvị nịnị mẹ hi ọ! Agụvị avọọ asị ụ zẹẹ ka ò du wu nịnị eyi, dị ụ wa na hụrẹ ụvọ nịnị!

Agụvị avọọ, à vẹ vị yaa kụ́ Ohomorihi avọ, agụvị ka ọ raà sị aha ịjọvaa yị, ana ahịka o yi zụ henyi. À vẹ ya zẹẹ ka Ohomorihi ọ̀ vayị ayị, dị ya zụ hẹkẹ ẹ ini oze ana ahịka óo zé e eyi; dị ya zụụ sị ụbanyịị yọ, dị ya rẹ zụ nyị angwahi anị!

Agụvị avọọ, àaa sị ụyaa rị wụ, ụ sị isuuru dọ ọ nịnị! Ohomorihi vị ana aa mẹ wụ nịnị anka ezi anị. Áá nyị ozi ana ada anị ọ̀yị mā sị ụya rị?

Ohomorihi ayị vị ana sị mẹẹ anka ịra anaā rị avaba ịsa ịra avọọ.

Ada ayị ịnị ẹhẹ ọnọnị vị ana aa sị ụyaa rị yị mẹ ụmẹ chee kẹnẹ, anka e mè ro ka óo zoza. Ama Ohomorihi ọnị vị anaā sịị ụyaa rị yị ka ọ̀ vị ọgụ yị; ọnị ọ vị ka ya zụ vị ọnịnị, anka ọ́nị mẹ̀ rẹ vị ọnịnị.

Ụ màa sịị vụrị ka asị ụ mẹ̀ ịvị nịnị, oò yi ve tù ka à wụ̀ wụ nịnị tụ́ ịnị anị.