Папулярныя біблейскія вершы з 1 Ịjọọnụ 2

Падзяліцца

Asị ụ sị eyi tụ́ ịnị ịsa ẹhẹ ọnịrị ịsa ene hi ini ẹhẹ. Ọza ana àa sị eyi tụ́ ịnị ịsa ẹhẹ, o yi kuku zụ sì ịrẹyị Ohomorihi Ada ayị. Avaba ịsa ene hi ịnị ẹhẹ yị: Ịsa edivi ọnị ọchẹngụ azaā sì, ịsa ana azaā sị eyiī tụ́ ịnị anị, dị eyi ẹnịnị ẹ̀ yị hụụnị anị, ọnịrị ịsa ẹhẹ ọnọnị ọnị ọza sịị̄ mẹ eyi. Avaba ịsa ẹnẹnị ẹ́ yị vị ịdị Ohomorihi Ada ayị ẹ hụrẹ vẹ, ẹ́ẹhẹ ẹ vị nị.

Yẹ ka ẹhẹ vị ana aa ta; avaba ịsa ene hi ịnị anị ana aza sị eyi tụ́ ịnị anị, ẹnị vị ene ree du. Ama ọza ana àa mẹ̀ ịsa oni Ohomorihi sì, ọnị ọ vaa jẹẹ pooro zịna-zịna nị.

Ọza ana àa ka ọnịrị Ohomorihi ọ sị vị ọnya, áa vọrọ ka ọ̀ọ zị ụsẹ anka Ijeesu mẹ̀ zị ụsẹ.

Ẹwụ nịnị ezi emi, maa chẹrẹ ịsa ẹnẹnịị tụ́ụ hi wu nịnị agụvị asị ụ mẹ̀ ịvị nịnị. Ama àa nyị ọza ana mẹ ịvị, áa nyị ọnịpọda ọnya ana yà ịdị Ohomorihi Ada ayị; ọza ọnọọ ọ vị Ijeesu Ikirisiti ana vị ọnịrẹyịzẹyịza nị.

Ọza ana áa ka ọnị ọ́ọ yẹ ẹ, dị ẹ̀ yị saasa ọda anị nị, onireche ọ vị nị, ọ́ yị nyị ịzẹyịza.

Yàa saasa ịrẹyị Ohomorihi, ọnị ọ vaa sị zụ̀ ka yáa yẹ Ohomorihi nị.

Ọza ana àa ka ọnị yà ini ẹtohweyi, dị aa yịị kụ́ ayị ọnọhụva anị nị, ịnị ịrahụ ọ yị yà vi ve tu ọyaanị nị.

Ẹnẹ vị onireche? Ọza ana àa kà a ka ẹ́ yị vị Ijeesu ọ vị Ikirisiti, ọnị ọ vị onireche nị. Ọza ẹnẹ ẹ̀ yị dọ Ohomorihi Ada ayị ọnịrị Ozi anị, ọza ọnọọ ọ vị ọnịvị Ikirisiti nị.

Ọza ẹnẹ ẹ̀ yị dọ Ozi Ohomorihi, vị ẹ̀ yị rẹ dọ Ohomorihi Ada ayị avọọ nị. Ama ọza ana àa sị Ozi Ohomorihi dọ, vị ọ rẹ dọ Ohomorihi Ada ayị avọọ nị.