Папулярныя біблейскія вершы з Mga Taga-Roma 7

Падзяліцца

Salamat sa Dios paagi kay Jesu-Cristo nga aton Ginoo! Gani, amo ini ang akon kahimtangan: sa akon kaugalingon sarang ako makaalagad sa kasugoan sang Dios sa akon hunahuna, samtang ang akon kinaugali nga tawhanon nagaalagad sa kasugoan sang sala.

Nakahibalo ako nga wala sing maayo nga yari sa akon, kon sayuron, sa akon tawhanon nga kinaugali. Kay bisan pa luyag ako maghimo sing maayo, indi ako makahimo sini.

Wala ko ginahimo ang maayo nga luyag ko himuon, sa baylo ginahimo ko ang malaut nga indi ko luyag himuon.

Gani kon ginahimo ko ang indi ko luyag himuon, ini nagakahulogan nga indi na ako ang nagahimo sini, kundi ang sala nga yari sa akon.

Gani, kon nasapwan ko nga ini nga kasugoan nagapanghikot: kon luyag ko himuon ang maayo, ang malaut amo ang ginahimo ko. Ang akon kaugalingon nagakalipay sa kasugoan sang Dios

Kon ginahimo ko ang indi ko luyag himuon, nagapakita ini nga nagasugot ako nga ang Kasugoan maayo.