Папулярныя біблейскія вершы з दानिएल 6

Падзяліцца

जब दानिएल ला पता चलिस कि अइसे हुकूम निकाले गे हवय, त ओह अपन घर जाके ऊपर के कमरा म गीस, जिहां खिड़कीमन यरूसलेम कोति खुले रहंय। दिन म तीन बार माड़ी टेकके ओह अपन परमेसर ला धनबाद देवत पराथना करिस, जइसे कि ओह पहिले घलो करय।

मोर परमेसर ह अपन स्वरगदूतमन ला पठोके सिंहमन के मुहूं ला बंद कर दीस। ओमन मोर कुछू हानि नइं करिन, काबरकि मेंह ओकर नजर म निरदोस पाय गेंव। अऊ हे महाराज, न ही मेंह तोर आघू म कोनो गलत काम करे हंव।”

“मेंह ये हुकूम देवत हंव कि मोर राज के हर भाग म, मनखेमन दानिएल के परमेसर के भय मानंय अऊ ओकर भक्ति करंय। “काबरकि ओह जीयत परमेसर अय अऊ ओह सदाकाल तक बने रहिथे; ओकर राज के नास नइं होही, अऊ ओकर परभूता कभू खतम नइं होही। ओह छुड़ाथे अऊ ओह बचाथे; ओह स्वरग अऊ धरती म चिनहां अऊ चमतकार देखाथे। ओह दानिएल ला सिंहमन के सक्ति ले बचाय हवय।”

तब राजा ह हुकूम दीस, अऊ ओमन दानिएल ला लानिन अऊ ओला सिंहमन के मांद म डार दीन। राजा ह दानिएल ले कहिस, “तोर परमेसर, जेकर सेवा तेंह ईमानदारी ले करथस, ओह तोला बचावय!”