Папулярныя біблейскія вершы з ဢွၵ်ႇၵႂႃႇ 2

Падзяліцца

ၽြႃးပဵၼ်ၸဝ်ႈ​ငိၼ်း​သဵင်​ပွင်ႉ​သဵင်​ၶၢင်း​ၶဝ်​ၼၼ်ႉ​သေလႄႈ၊မၼ်းၸဝ်ႈ​ၶုၵ်းၸႂ်လႆႈ​ပတိၺိၺ်ႇ​သဵတ်ႈၸႃႇ​ဢၼ်​လႆႈ​ဝႆႉ​ၵႃႈတီႈ​ ဢႃႇပြႃႇႁၢမ်ႇ၊ တင်း​ ဢိၸၢၵ်ႈ၊ တင်း​ ယႃႇၵုပ်ႈ၊ မႃး​ၸိူဝ်း​ၼၼ်ႉ​ဢေႃႈ။- ၽြႃးပဵၼ်ၸဝ်ႈ​ၵေႃႈ​လူတူၺ်း​ၵူၼ်း​မဵဝ်း​ ဢိသရေး၊ ၸိူဝ်း​ၼၼ်ႉ​လႄႈ​ႁု​လွင်ႈ​ၶဝ်​ဢေႃႈ။

ပီ​မိူင်း​ႁိုင်​မႃး​လႄႈ​ၶုၼ်ႁေႃၶမ်း​မိူင်း​ ဢေးၵျိပ်ႉ၊ ၵေႃႈ​ၼွၼ်းၽႄး​ၵႂႃႇ​ယဝ်ႉ​ဢေႃႈ။ ၵူၼ်း​မဵဝ်း​ ဢိသရေး၊ ၶဝ်​ယင်း​တိုၵ်ႉ​လႆႈ​ပွင်ႉၶၢင်း​ယူႇ​ၵွပ်ႈပိူဝ်ႈ​ၶဝ်​လႆႈ​ၶၢမ်ႇ​ပဵၼ်​ၶႃႈ​ယူႇ​ၼၼ်ႉ​သေယဝ်ႉ၊ႁွင်ႉသႅၼ်ႇ​ႁွင်ႉႁႆႈ​ပုၼ်ႈ​ဢၼ်​တၵ်း​လႆႈ​တၢင်း​ၸွႆႈ​တၢင်း​ထႅမ်​ဢေႃႈ။ သဵင်​ဢၼ်​ၶဝ်​ႁွင်ႉသႅၼ်ႇ​ႁွင်ႉႁႆႈ​ၵွပ်ႈပိူဝ်ႈ​ၶဝ်​လႆႈ​ၶၢမ်ႇ​ပဵၼ်​ၶႃႈ​ယူႇ​ၼၼ်ႉ​လႆႈ​ငိၼ်း​ႁွတ်ႈထိုင်​ၵႂႃႇ​ၵႃႈတီႈ​ၽြႃးပဵၼ်ၸဝ်ႈ​ဢေႃႈ။

မိူဝ်ႈ​ဢၼ်​လုၵ်ႈဢွၼ်ႇ​ၼၼ်ႉ​ယႂ်ႇမႃး​ၼၼ်ႉ​ၸိုင်၊မၼ်း​ဢဝ်​ၵႂႃႇ​သူင်ႇ​တီႈ​လုၵ်ႈယိင်း​ၶုၼ်ႁေႃၶမ်း​လႄႈ၊ၸဝ်ႈၼၢင်း​ၼၼ်ႉ​ၵေႃႈ​ၵဵပ်းလဵင်ႉ​ဝႆႉ​ၼႂ်း​ဢရႃႇ​လုၵ်ႈၸၢႆး​သေယဝ်ႉ၊မၼ်း​ၼၢင်း​ဝႃႈ၊ “ပိူဝ်ႈ​ဢၼ်​ၵဝ်​ၼုၵ်ႈ​ဢဝ်​မၼ်း​ဢွၵ်ႇ​သေ​ၵႃႈၼႂ်း​ၼမ်ႉ​မႃး​လႄႈ​ၵဝ်​ႁွင်ႉ​ႁဵၵ်ႈ​ၸိုဝ်ႈ​မၼ်း​ဝႃႈ၊ မူဝ်းသေႇ၊ ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ၸဝ်ႈၼၢင်း​ၼၼ်ႉ​ၵေႃႈ​သင်ႇ​လၢတ်ႈ​တီႈ​မႄႈယိင်း​ၼၼ်ႉ​လႄႈ​ဝႃႈ၊ “ဢဝ်​လုၵ်ႈဢွၼ်ႇ​ၼႆႉ​ၵႂႃႇ​လႄႈ​လုမ်းလႃး​ပၼ်​ပုၼ်ႈ​ၵဝ်​တႃႉ။ ၵဝ်​တၵ်း​ပၼ်​ၵႃႈႁႅင်း​မႂ်း​ယူႇ၊” ဝႃႈ​ၼင်ႇ​ၼႆ​လႄႈ၊မႄႈယိင်း​ၼၼ်ႉ​ၵေႃႈ​ဢဝ်​လုၵ်ႈဢွၼ်ႇ​ၼၼ်ႉ​ၵႂႃႇ​လုမ်းလႃး​ဝႆႉ​သေ​ဢေႃႈ။

မိူဝ်ႈ​ၼၼ်ႉ လုၵ်ႈယိင်း​ၶုၼ်ႁေႃၶမ်း​လူင်း​မႃး​ဢၢပ်ႇၼမ်ႉ​လႄႈ​ၸိူင်ႉၼၢင်း​မၼ်း​တင်းလၢႆ​ပႆ​ၵႂႃႇ​ပႆ​မႃး​ႁိမ်း​ၽင်ႇ​မႄး​ၼမ်ႉ​ယူႇ​ဢေႃႈ။ မိူဝ်ႈ​ၼၼ်ႉ​မၼ်း​ၼၢင်း​ထူပ်း​ႁၼ်​ဢူႇ​ၵႃႈၼႂ်း​ၵႄႈ​တူၼ်ႈ​ၶႅမ်​လႄႈ​ၸႂ်ႉ​ၸိူင်ႉၼၢင်း​ၵေႃႉ​ၼိုင်ႈ​ၵႂႃႇ​ဢဝ်​မႃး​ဢေႃႈ။

မိူဝ်ႈ​ဢၼ်​ မူဝ်းသေႇ၊ ယႂ်ႇမႃး​ၼၼ်ႉ​ၸိုင်၊မီး​ဝၼ်း​ၼိုင်ႈ​မၼ်း​ဢွၵ်ႇ​ၵႂႃႇၸူး​တီႈ​ၵူၼ်း​မဵဝ်း​မၼ်း​ႁႂ်ႈလႆႈ​လူတူၺ်း​တၢင်း​ဢၼ်​ၶဝ်​လႆႈ​ႁဵတ်းၵၢၼ်​ယၢပ်ႇၽိုတ်ႇ​ၼႃႇ​ၼၼ်ႉ​ဢေႃႈ။ ၵမ်း​ၼၼ်ႉ မၼ်း​ႁၼ်​ၵူၼ်း​မဵဝ်း​ ဢေးၵျိပ်ႉ၊ ၵေႃႉ​ၼိုင်ႈ​ပေႃႉ​ယႅၼ်ႉ​ၵူၼ်း​မဵဝ်း​မၼ်း​ဢၼ်​ပဵၼ်​ၵူၼ်း​ ႁေႇပြႄး၊ ၵေႃႉ​ၼိုင်ႈ​ယူႇ​ၼၼ်ႉ​ဢေႃႈ။- မၼ်း​ၵေႃႈ​ဝၢႆႇ​တူၺ်း​သၢႆႉ​တူၺ်း​ၶႂႃ​သေယဝ်ႉ၊ႁု​ဝႃႈ​ၽူႈလႂ်​ဢမ်ႇ​မီး​တီႈ​ၼၼ်ႈ​သေၵေႃႉ​လႄႈ​မၼ်း​ဢဝ်​ၵူၼ်း​မဵဝ်း​ ဢေးၵျိပ်ႉ၊ ၼၼ်ႉ​တၢႆ​ပႅတ်ႈ​သေယဝ်ႉ၊ဢဝ်​ၽင်​ဝႆႉ​ၵႃႈၼႂ်း​သၢႆး​သေ​ဢေႃႈ။