ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Ngini ganga ma Jou Madutu ai ngoha-ngohaka wini hohininga, hababu gënanga ngini kiani nima hiaha nia nïki ma Jou Madutu ai dulada. Nia ngango kiani yodol̄a de o dora, hokä o Kristusö wonahininga ngone. Unanga womahi hubaka Ai diri mangale ngone hokä o huhuba moi mabounu ihëmo-hëmoro, deʼ yasanangi ma Jou Madutu ai hininga.

Hababu gënanga, nohininga nohidodiai ani ngango madodagi. Uha nowango hokä o bodo manyawa; ma nowango hokä o nyawa yososawaro. Nia päke nihidodiai öraha mahigetongo naga nginioka, karana öraha nënanga naga öraha madorou.

Uha ngini nihidaluku o angguru, hababu gënanga aha inihidadi dorou ngini. Ma kokiani, ngini ini kuaha ma Jou Madutu ai Womaha. Nia päke o mazmurino mademo-demo, o puji manyanyi deʼ malugo o rohani, nia ade-ade magoronaka. Kokiani ngini de nia hininga imore-morene o puji nihi nyanyi ma Jouika. Kahoko genangika deʼ mangale okiaö dika, kiani ngini nitemo tarima kasi ma Jou Madutu o Amaika, de o Yesus Kristus tongone nanga Jou ai romanga.

Uha nibodo, mä niatailako okia ma Jou wöigo.

Rokata, nomihininga ngoni hekata, hokä imatero o Kristus wohininga Ai jemaat de wohihuba Ai diri mangale o jemaat gënanga.

Ngini mahirete mahira naga o huhutu magoronaka. Oraha nënanga ngini nidadioka ma Jou ai umati, ho ngini naga o dararono magoronaka. Karana gënanga ngini kiani niwango o dararono magoronaka.

Mangale niwi horomati o Kristus, kiani ngini nimahiki gihene moi de moi.

Hekata, nihigihene ani rokatika hokä o Jouika.

Mä o hidoku gënanga nagaö madohanga de ngini: Kokiani moi-moi rokata imihininga manga hekata hokä önanga yohininga manga diri mahirete deʼ kiani moi-moi o hekata ihidailako mangale yahoromati manga rokata.

Ma Jou Ai Demo ma Buku magoronaka itulihi, ”Hababu gënanga o nyawa o nauru womatëngo aha wamal̄a ai ama de ngoi ayo mangale ima rimoi de ngoi hekata, deʼ yahinoto aha yodadi kamoi.”

Uha niadiai o manarama-o manarama mabaraguna koiwa-iwa yadodiai o nyawa yowango o huhutu magoronaka. Ma kokiani ngini nia hekono o hali-o hali marupa hoko gënanga. (