ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Ngohi togahoko hupaya ma Jou Madutu wahelenga nia dibanga hiädono idadi itararono; la ngini nimangarati okia ngini yakunu nio nganono ma Jou Madutuino ngini wini ahoko. Hoko genangö la ngini nihi öriki hokokia de maboloioka o barakati-o barakati ihohailoa ma Jou Madutu wohidiai ukuoka mangale Ai umati; deʼ hokokia magiria ma Jou Madutu womanarama de Ai kuaha itötomo ngoneoka hongaku-ngaku. Ma Jou Madutu ai kuaha gënanga hokä imatero o kuaha kabiahaua, wa päke-päke maöraha wihiwango okali o Kristus o honengino deʼ wihi döaka Unangika ai pangkati magö gurutil̄e imaki nïki de ma Jou Madutu o horogaka. O Kristus ai pangkati gënanga iholoi ikurutil̄e de hagala o popareta manga pangkati, hagala yokokuaha, hagala o tutuda, hagala o tua-tuanga deʼ o nagonaö dika yahi döaka o pangkati magögurutil̄e; yaoa yowango öraha nënanga, yaoa yowango öraha aha iböa.

O dunia nënanga wohidadi uwahi, ma Jou Madutu wo na irikoka ngone itilakuru o Kristus de madungutu hupaya ngone hodadi to Unanga madutu woma dinga-dingakoka deʼ makuranga koiwa Ai himangoka. Karana ma Jou Madutu ai dora, Unanga wohi tantuoka iholoi ihira itilakuru o Yesus Kristus, aha Unanga wonä goraka ngone hodadi Ai ngoha-ngohaka mahirete. Deʼ igoungu woigo wadiai gënanga.

Hababu, de o Kristus ai honenge, ma Jou Madutu wonahi lapahioka ngone, mamangarati Unanga wonahi apongoka tongone nanga baradoha.

O higiriri ma Jou Madutu, tongone nanga Jou Yesus Kristus ai Ama! Unanga wonahi barakati ngone de hagala o barakati o rohani mabarakati o horoga magoronaka, karana ngone horimoi de o Kristus.