ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Yesu e noa ki nia, e naga, Kinau a pei namoroduleanaana, go namauriana: tea waina e saralomau au, e pe mate, ma ega wo mauri: go sara naata waina eu mauri doko po saralomau au euga wo da mate mau pa pa ega tu mau du. Ku saralomau tea wanogoe kite?

Yesu e noa ki nia, e naga, A da noa ki‐go, naga, ku pe saralomau, ku pe vunusi nasamasamaana ki Sup̃e kite?

Yesu e kai.

Ma ragi waina Yesu e dogo e, e naga, Nasasanaana waia e da paki namateana mau, ma e pakilina nalakena nasamasamaana ki Sup̃e, naga Sup̃e natuna ega vei tea samasamaniana asa.

Go ragi waina e noa sua tea wanogoe, e pioso ki nadaleo kasua sikai, e naga, Lasaro, p̃a tave umai. Go tea waina e mate e dave umai, e pei tea vivisiana nam̃elena go nam̃elearuna maga ki namasia maga ni nakulukulu; go naraena e pei tea kalutigoroana ki tea kasitoro sikai. Yesu e noa ki da, e naga, Kuga veresi a, po doro e naga ega vano.

Nalakena tea wanogoe Yesu e moro uru ki namidoakisakiana nap̃alauna po umai paki matigo. Go e pei valea sikai, go vatu sikai e ovi asa.

E noa tea maga wanogoe: go edaku ki tea wanogoe e noa ki da, e naga, Tagida ri Lasaro e maturu; ma aga vano naga aga pulevule a.