Geroep deur GodVoorbeeld

Het jy al ooit gevoel dat God jou tot leierskap in sy Koninkryk roep?

Dit is deesdae eintlik verspot maklik om jou regte waarde in Jesus Christus en die pragtige roeping wat Hy op jou lewe geplaas het, uit die oog te verloor.

Die stemme van twyfel en ontmoediging — die leuens van Satan — word soms ‘n oorverdowende geraas en probeer ons blind maak sodat ons nie die unieke doel kan raaksien wat Jesus aan elkeen van ons individueel gegee het nie. Hierdie oorverdowende geraas kom in baie vorme, partykeer is dit woorde wat mense gesê het, woorde wat diep sny en diep seer maak. Soms is dit die wonde en die seerkry wat ons in ons harte dra, en ander kere is dit selfs ons eie foute en sondes uit ons verlede. As ons net op hierdie dinge fokus, en nie die genade van die Vader erken nie, mag ons nooit die ongelooflike waarde besef wat God, ons liefdevolle Vader, in elkeen van sy kinders neergelê het nie.

Daarom mag ons nooit die volgende waarheid vergeet nie: Wanneer jy op God se roeping reageer met ’n opregte en oop hart, word jy deur die kosbare bloed van Jesus gereinig, skoon gewas van al daardie dinge wat jou wil bind. Sy belofte in Jeremia 29:11-12 (AFR83) is dan vir jou bedoel: “Ek weet wat Ek vir julle beplan,” sê die Here, “voorspoed en nie teëspoed nie. Ek wil vir julle ’n toekoms gee, ’n verwagting! Dan sal julle My aanroep, tot My kom bid, en Ek sal julle gebede verhoor.”

Wat ’n pragtige versekering!

Moenie toelaat dat die vyand jou oortuig dat jy nie nie die werk van God goed genoeg is nie. As jy ’n vader, ’n moeder, ’n man, ’n vrou, of selfs net ’n vriend vir iemand in nood is, het God jou reeds geroep — en aan jou ’n belangrike rol in sy koninkryk toevertrou. Jy is ’n leier, en Hy het ’n spesiale plan vir jou, meer diepgaande as wat jy kan dink.

Die vraag is nie of jy goed genoeg is nie — dit is of jy bereid is om sy roeping met jou hele hart te beantwoord.

Kom ons bid saam: “Vader, maak die ore van ons harte oop. Help ons om u roepstem bo die afleidings van hierdie wêreld te hoor. Wys ons deur u Heilige Gees die leierskap-roeping wat U in elkeen van ons geplaas het. Laat ons opstaan, met volkome vertroue in u liefde en in u doel.” Amen.