Becoming Love: As ons by Volbring begin, waar eindig ons? (Deel 2)Voorbeeld

Dag sewe – Die genesing van die vrou wat aan bloedvloeiing gely het

Wat sal verander as jy regtig glo dat Jesus, en nie jou diepste worstelinge nie, die waarheid oor iet is?

Ons lees in vandag se gedeelte van ‘n vrou wat twaalf jaar lank stilweg gely het. Sy het haar pyn alleen gedra en niemand was daarvan bewus nie. Totdat sy eendag ‘n stap van geloof geneem en Jesus se liefde haar hele lewe verander het.

Daar is twee dinge wat ons uit hierdie gedeelte kan neem.

Eerstens: die pyn wat jy deurgaan is nie wie jy is nie. Jesus bepaal jou identiteit.

Toe Jesus met die vrou in aanraking kom, was die eerste ding wat Hy uitklaar haar identiteit by die Vader. Hy noem haar “dogter”. Dit herinner ons aan hoe Jesus ons leer om God ons Vader te noem. Daar is ’n nuwe verhouding wat ons met God het, waar Hy ons seuns en dogters en ons Hom “pa” kan noem.

En dit is omdat ons aanvaar word en behoort, dat hierdie liefde ons dryf om te gaan en die mense in ons stad wat onsigbaar is, lief te hê sonder om verby hulle te stap.

Dit bring ons by die tweede ding wat ons leer. Die persoon van liefde wat ons in Jesus word, het die krag om ook die lewens van dié wat stilweg ly, te verander.

Hierdie gedeelte is een van die voorbeelde wat aan ons gegee word van hoe ons die onsigbares — dié wat stilweg ly of worstel — kan raaksien.

Teoloog Henri Nouwen sê: “Om iemand lief te hê, is om vir hulle hul vermoë om te lewe te openbaar — die lig wat in hulle skyn.” Wanneer ons ander liefhet bring dit ‘n openbaring van hul identiteit. Roep die waarde uit in dié wat onsigbaar is. En kyk dan hoe die liefde van Jesus wat deur jou werk lewe bring waar daar dood is en vryheid bring waar daar dood is.

Gaan soek hierdie week iemand op wat onsigbaar in hierdie stad is. Stop, neem kennis, en herinner hulle dat hulle geliefd en waardevol is — net soos Jesus dit gedoen het. Noem hulle op hul naam — seun of dogter van God.