Jy is ’n Kosbare Dogter Van Die Koning Voorbeeld

Jy is opsy gesit vir God

Om heilig te wees, beteken jy is eenkant gesit. Jy is anders as die res. Jy is gekies vir iets unieks. Dit is baie spesiaal dat God jou geroep het om heilig te leef, maar wat beteken dit nou eintlik?

Dalk ken jy die uitdrukking: “Jy is in die wêreld, maar nie van die wêreld nie.” Dit beteken jy leef en werk saam met mense wat nie vir Jesus ken nie en nie probeer om vir Hom te leef nie. Jy is deel van dieselfde wêreld waarin hulle leef, maar jy is anders omdat God se Heilige Gees in jou leef en jou motiveer om Hom te gehoorsaam, in geloof toe te neem en Hom te dien. Jy kan eenvoudig nie deel van die skares wees nie, want God het jou geroep om uit te staan. Jy het ’n spesiale werk om vir Hom te doen. Wat ’n eer!

Jy kan slegs geestelik heel wees as jy jou hart, gedagtes en siel volkome oorgegee het aan God. (R.J. Stewart)