Die Lydenstyd Oordenking: HerstelVoorbeeld

Herstel: Radikale genade

Is daar enige terreine in jou lewe wat jy as radikaal sal beskryf? Of ekstreem? Of revolusionêr?

Daar is woorde wat ons ongemaklik kan laat voel. Ons is gewoonlik versigtig vir enigiets wat anders as die status quo is. En daar is nie juis iets daarmee verkeerd nie.

Daar is egter niks gewoon of alledaags omtrent Jesus nie. Hy was saggeaard, nie aanstellerig nie. Hy was radikaal; Hy was ekstreem; Hy was op baie maniere 'n revolusionêr. Hy was daarvoor gemartel en tereggestel.

Die mees radikale ding in die heelal, is God se genade. Genade sê: "Ek weet alles omtrent jou; jou diepste geheime, jou grootste mislukkings, al die foute wat jy al ooit gemaak het en nog sal maak. Ek het jou lief, ten spyte daarvan; Ek aanvaar jou en alles wat jy is; jy kan my troon met vrymoedigheid nader."

Here Jesus,
ek kan nooit vir U genoeg dankie sê vir u radikale geskenk van genade nie.
Ek wy my lewe aan U,
ek sal U met my hele hart volg,
ek sal u lig laat skyn,
ek sal u liefde vertoon,
ek sal in u weë wandel.
Here, help my om u genade nooit as vanselfsprekend te aanvaar nie,
maar om elke dag in die heerlike prag daarvan te leef.
Amen.

Gideon Heugh, Tearfund