ROMEINE 7:18

Deel

ROMEINE 7:18 Bybel vir almal (ABA)

Ek weet daar is niks in my wat goed is nie. Ek wil graag goeie dinge doen, maar ek doen dit nie.

ROMEINE 7:18 Afrikaans 1933/1953 (AFR53)

Want ek weet dat in my, dit wil sê in my vlees, niks goeds woon nie; want om te wil, is by my aanwesig, maar om goed te doen, dit vind ek nie.

ROMEINE 7:18 Afrikaans 1983 (AFR83)

Ek weet immers dat die goeie nie in my woon nie, nie in my sondige aard nie. Daar is by my wel die wil om die goeie te doen, maar ek doen dit nie.

ROMEINE 7:18 Die Bybel 2020-vertaling (AFR20)

Ek weet immers dat die goeie nie in my woon nie, dit wil sê, nie in my sondige aard nie. Die wil bestaan wel by my, maar die doen van die goeie nie.

ROMEINE 7:18 Contemporary Afrikaans Bible 2023 (CAB23)

Want ek weet dat in my (dit is in my vlees) geen goeie ding woon nie; want om te wil is by my teenwoordig; maar hoe om te doen wat goed is, vind ek nie.

ROMEINE 7:18 Die Boodskap (DB)

Ek weet alte goed dat ek ’n sondaar is. Nêrens in my liggaam skuil daar ’n enkele stukkie goed nie. Want ek wil bitter graag doen wat reg is. Maar ek kry dit eenvoudig nie reg nie.

ROMEINE 7:18 Nuwe Lewende Vertaling (NLV)

Ek weet dat ek – ten minste wat my ou, sondige natuur betref – nie oor die vermoë beskik om die goeie te doen nie. Want die begeerte tot die goeie is daar, maar ek kry dit nie uitgevoer nie.