Ijosuwa 16
16
Ẹtẹ ene tu Ehwireemi ọnịrị achẹva Ịmanasẹ
1A mẹ vavọọ a ga ẹtẹ na, ẹtẹ ene tu ezi Ijosẹẹhụ vị ene nyima hụrẹ irehu Ijodani ọgụrị okuha Ijeriko. Dị o che ụnọmị parahu na ngụ Ịbẹtẹrị ana ya ịrẹsụ ataba nị. 2Dị ẹtẹ ọnọọ hụrẹ Ịbẹtẹrị ana a hị́ Iruzi na ngụ Ataroti Ada ịnị ẹtẹ Anaakị. 3Dị ọ vavọọ va chi na ngụ ẹtẹ ezi Ijapireti, Dị ọ hụ ịzọọ chi na ngụ ụvẹtẹ Ịbẹtị-Ihoroni chi ne tu Ịgẹzẹrị. Dị ẹ nyị ọ chị na ngụ Òkū Imeditareniya nị. 4Ezi Ijosẹẹhụ vị ịrẹsụ ẹẹva, Ịmanasẹ ọnịrị Ehwireemi. Ẹnịnị aa ga ẹtẹ ọnọọ yị nị.
Ehwireemi
5Ịrẹsụ Ehwireemi vị ana a sị ụvẹtẹ ẹtẹ yị. Ẹtẹ ẹnịnị ọ nyima hụrẹ Ataroti-Ada na ngụ ẹbẹẹba Ịbẹtị-ihoroni. 6Dị ẹtẹ ẹnịnị ẹbẹẹba nyima hụrẹ Imikimetati na ngụ Itaanati Isiro ne tu Ijanowa. 7Dị ọ hụrẹ ịzọọ va chi na ngụ Ataroti ọnịrị Inaara, dị ọ va ka Ijeriko. Dị ọ hụ ịzọọ na za ẹtẹ Okuha Ịjọdanị. 8Dị ọ hụrẹ Itapuwa na para irehu Ikana na ngụ Òkū Imeditareniya. Avaba ẹtẹ ọnọnị ọ vị ẹhụ ẹtẹ ana sị yị abara ene hi ịrẹsụ Ehwireemi. 9Dị a rẹ sị ẹkụra ọbanyị-ọbanyị ọnịrị ẹkụra eweyi-eweyi ana kara ẹtẹ ana sị yị achẹva ịrẹsụ Ịmanasẹ nị. 10#Ọdọ 1.29Ẹnịnị ẹ yị dụ Anikenaani ana ra Ịgẹzẹrị. Dị ẹnịnị wa ra vabẹ pooro vẹ tu ajịnị. Ama dị ahịka Anikenaani ẹnẹẹ ẹ ya ahụ ẹnịnị nị.
Tans Gekies:
Ijosuwa 16: EBTP
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Ebira First Bible © Bible Society of Nigeria, 2014.