มาลาคี 4
4
เฒี้ยว เญย ฮนอย อ๋อย เถา
1เน่น เจี๋ย เญย เฒี้ยว ก๊อง, “หมั่ง ม่าะ! วั้ว นอม ฮนอย อ๋อย เถา, หย่า อ๋อย ฮนั้ง ต้ม โต์ว นอ. เธง-โฮล เญย เมี่ยน เหธา เอ๊าะ เมี่ยน เหยียด ฒู้ง อ๋อย หฒุ โต์ว ปั๊ว ชุย เหฑ่ง ฮนั้ง ปั๊ว เบย้า ฆ้าว กอน, เลี่ยม ฆ้าว เลี่ยม ฑู่ง ไม้ เหฒ่ง เหยียด เต๋ย. 2มป่า เหว่ย ท่าย เยีย เญย บั๋ว วั้ว เต๋ย เมี่ยน, ม่าย แป้ง ฟิม เญย เจ๊า อ๋อย ธ้วด ต้าย ฮนั้ง บะฮนอย นอ. นิ่น เญย หญุด หย่า อ๋อย แอ๊ง ธ้วด หฒ่อ แป่ง.#4:2 ฮิบลู หว่า ก๊อง “ม่าย แป้ง ฟิม เญย บะฮนอย อ๋อย ธ้วด ต้าย. นิ่น เญย ด๊าด ไฮ่ หฒ่อ แป่ง”. เม่ย บัว ฯฒฯ ตุ๊ ธ้วด มี่ง ฮนั้ง ง่ง ตอน ตุ๊ ปู๋ง ธ้วด ล่าน อะเฮน้ย เญย ดิ้ว ลู่ง. 3เยียม เยีย โหฒว น้าย เต๋ย สี่ วั้ว นอม ฮนอย, เม่ย บัว ฒู้ง ตุ๊ ธ้าย เจี๊ยน เอ๊าะ เมี่ยน. นิ่น บัว ฯฒฯ ฮนั้ง ซ้าย เยียม เม่ย บัว เญย เหฒา-เดี๊ย นอ.” เน่น เจี๋ย เญย เฒี้ยว ฮนั้ง น้าย นอ ก๊อง.
4“อ๋อย หฒุ จั๋ง เจี๊ยน เยีย เยียม โฮเล้บ บง#4:4 โฮเล้บ เซ ซีนาย เญย กั้น นอม บั๋ว. ปุน เยีย เญย โปว, โมเซ, เหลียบ ต้าย เญย เล์ย-หลัด. เซ เหว่ย อิสะลาเอน เญย หฒวัง เมี่ยน เหลียบ เญย หลี่ง เหธา เล์ย.
5“หมั่ง ม่าะ! เฒี้ยว โฮล ไห่, กั้ม เหฑีย ไห่ เญย ฮนอย ไม้ แก้ง เถา, เยีย ฒู้ง อ๋อย พ้าย เยีย เญย โต่ว หว่า เมี่ยน, เอลียา, ต้าย ล์อ เม่ย บัว ด่าง.#มัดทาย 11:14; 17:10-13; มาโค 9:11-13; ลูกา 1:17; โยฮัน 1:21 6นิ่น อ๋อย ปุน โหฒว เตีย เญย เมี่ยน เหธา นิ่น บัว เญย ฝุเจว๊ย หอบ เฮญี้ยว ต้าย, หย่า ปุน ฝุเจว๊ย แอ๋ง เหธา นิ่น บัว เญย เตีย หอบ ต้าย. ไม้ เฒย แอ๊ะ, เยีย อ๋อย ต้าย ปุน วั้ว นอม เต่ย-ปูง หฒุ เหมียด เหฑ่ง อ๊ะ.”#4:6 หฒุ เหมียด เหฑ่ง อ๊ะ ฟาน หฒะ ก๊อง หฒุ เหฒียว.
Tans Gekies:
มาลาคี 4: IuMiTH
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Mien Bible (Thai Script) © Thailand Bible Society, 2007