रोमी 12
12
जीया भरी परमेश्वरजे सेवा
1येरेक्यूत्देबे अत-अची च्योन्यू, परमेश्वरजे कृपाने विचार चीत्देबे ङ नमयूने बिन्ती चीक्क्य, नमयूजे आत्मादे पूस्तेजे लागि रङ्से रङ्से ङ्वने पवित्र मेस्ये परमेश्वरने सेम् पर्तेब लायकजे सोम्बो बलिजे रूप्ने चेर्तीपी। 2अम्ब संसारजे मीयूप्रने नक्कल अन्चील्लाची, तर रङ्सेब सर् सेम् क्यूत्देबे पूरा रुप्ने सूजो क्यूक्की। होर्दे परमेश्वरजे सोरो ज्य, सेम् पर्तेब मेस्ये सिद्ध इच्छा च ख्य, हम्ब नमयूदे था प्रे-खूइय।
3चेनेयलो परमेश्वरदे पीनब अनुग्रहदे ङ नमयू खोत्तानेने यीय, नमयूजे गज्ज्य यली थेप् केन् अन्त्वोल्लाची, तर परमेश्वरदे पीनब विश्वासजे नाप अनुसार रङ्से कर ख्य होरत्या रङ्सेने मन्। 4#१ कोरिन्थी 12:12केर्बे ङीन्जे ङ्व त्याने अङ्गयू कूम ख्यङ्, तर हम्ब अङ्गयू टक्कजेने काम त्याप्र अन्क्यूर, 5होर्प्रने ङीन कूम ख्यङ्लीनेये ख्रीष्टप्रे ङ्व त्या ख्यङ् मेस्ये ङीन क्वाने त्या त्याजे अङ्ग ख्यङ्। 6#१ कोरिन्थी 12:4-11येरेक्यूत्देबे परमेश्वरदे रङ्से अनुग्रहदे ङीनने पीनब थर्-थर्जे बर अनुसार ङूजे कामयू चीदे। अगमवाणी क्यमब यलो रङ्से अनुसार क्यमे। 7सेवा चेब क्वादेने चेलाबे सेवा चीदे, परमेश्वरजे पो लोम्मे ख्वबदे चेलाबे लोम्मीस्य। 8ज्य लम्ने प्रने मोतो पीन ख्वबदे ज्य मोतो पीन्स्य, हर्जो पर्दीनब मीने पीन्ब ज्या सेम्दे पीन्स्य। हक चील्ले मीदे चेलाबे चील्लीस्य मेस्ये दया चेब मीदे सूग्लाबे दया चीस्स्य।
प्रेमजे बारेने
9नमयूदे ज्य सेम्दे प्रेम ची। कम्ब पो अन्ज्य ख्यङ्, हम्ब पो क्यापी। कम्ब पो ज्य ख्यङ्, हम्बने लादीनू। 10रङ्से अत च्योनने चेब प्रेमप्र त्यादे त्याने प्रेम ची। रङ्सेने यली सूजोजे गेसेन् ची। 11कामने म्यास्सी अन्क्यूर्लाची। आत्माने जोसीलो क्यूत्देबे प्रभूजे सेवा चीन्नू। 12नमयूदे आशा चीन्नब सेने सूग, सकस् पर्दीरब सैदी, मेस्ये येतार्ने प्रार्थना चीन्नू। 13परमेश्वरजे पवित्र मीयूने हर्जो पर्दीब तोङ्मी, कीम्ने रब ङ्योवयूने गेसेन् ची।
14 #
मत्ती 5:44; लूका 6:28 नमयूने छरङ् पीनब मीयूने ले अन्तप्लाबे असी पीन्। 15सूगब मीयूप्रे सूग्। ङूनब मीयूप्रे ङू। 16#हितोपदेश 3:7क्वाप्रे थून्देबे टूङ्। केन् अन्तोल्लाची, तर चीद क्यूत्देबे खोत्ताप्रेने ज्य ब्यवहरा ची, होर्दे रङ्सेत्या कूम स्ये अन्तोल्लाची।
17कोइदे नने अन्ज्यजे सट्टने अन्ज्य चीक्को यदेबे ङूने अन्ज्य अन्चील्ला ची। कम्ब पो मीयू क्वादेने सेम् परदे ख्यङ्, हम्ब पोनेत्या सेम् पीन्। 18क्यूर खूलो खोत्ताप्रेने थून्देबे टूङ्। 19#व्यवस्था 32:35छेब अत च्योन्यू, रङ्सेने अन्ज्य चेब मीने कलङ्बेये खी अम्फालाची। तर खी फाब काम परमेश्वरजे लाने पीन, चेनेयलो धर्मशास्त्रने लिख्दीये ख्यङ्, “खी फाब काम ङैजे ख्यङ्। ङैदेने खी फाय”, परम्प्रभूदे य ख्यङ्। 20#हितोपदेश 25:21,22बरू, “कादेये नैजे शत्रु सोरो ठीनूदेयलो चसे पीन्, क्यू फै ख्यङ्लो क्यू थूङ्स्ये पीन्, चेनेयलो येरे चील्लो नैजे शत्रुजे टने मीजे भोप्रो म्यूर्क्य।” 21अन्ज्य चेबने अन्ज्य अन्चील्लाची, तर अन्ज्यने ज्य गुण चीत्देबे ट्यालाची।
Tans Gekies:
रोमी 12: सर् कबुल
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Ghale New Testament © Nepal Bible Society, 2011.
