Matayo 1
NTKI57
1
Musagu Musoga Wasanzilue na Matayo.
1Mukanda wa kibuti kia Yesu Klisto, muana wa Davidi, muana wa Abalahama.
2Abalahama abutile Isaka; nu Isaka abutile Yakobo; nu Yakobo abutile Yuda nu bato bage; 3nu Yuda na mukikulu wage Tama babutile Pelese nu Zela; nu Pelese abutile Heselona; nu Heselona abutile Lama; 4nu Lama abutile Aminadaba; nu Aminadaba abutile Nasona; nu Nasona abutile Salamona; 5Salamona na mukikulu wage Lahaba babutile Boaza; nu Boaza na Luta babutile Obede; nu Obede abutile Yese; 6nu Yese abutile mukota Davidi.
Davidi nu wozo mukikulu wabezaga wa Uliya babutile Solomo; 7Solomo abutile Lehabama; nu Lehabama abutile Abiya; nu Abiya abutile Asa; 8nu Asa abutile Yehasafata; nu Yehasafata abutile Yolama; nu Yolama abutile Uziya; 9nu Uziya abutile Yotama; nu Yotama abutile Ahaza; nu Ahaza abutile Hezikiya; 10nu Hezikiya abutile Manase; nu Manase abutile Amona; nu Amona abutile Yosiya; 11nu Yosiya abutile Yekonia nu bato bage, mu nkungu zibendile nabo ku bukobe ku Babulona.#Yelemia 22:24-30.
12Nu kusila kua kuenda kuabo ku bukobe ku Babulona, Yekonia abutile Salatiele; Salatiele abutile Zelubabela; 13nu Zelubabela abutile Abihuda; nu Abihuda abutile Eleyakima; nu Eleyakima abutile Azo; 14nu Azo abutile Sadoka; nu Sadoka abutile Akimi; nu Akimi abutile Eliyuda; 15nu Eliyuda abutile Eleaza; nu Eleaza abutile Matana; nu Matana abutile Yakobo; 16Yakobo abutile Yosefu iba wa Malia, uwabutile Yesu, ukumanua bune, Klisto.
17Bubo bibuti binsania kutukila ku Abalahama aba ku Davidi bili ikumi na binazi; nu kutukila ku Davidi aba nu gabendile nabo ku bukobe ku kilongo kia Babulona bili bibuti ikumi na binazi; nu kutukila ku bukobe ku kilongo kia Babulona aba nu ku Klisto bili bibuti ikumi na binazi.
Kubutua kua Yesu Klisto.
Lk. 1:26-35; 2:1-7.
18Kubutua kua Yesu Klisto kuabezaga bubo: Gabezaga nina Malia andua na Yosefu, babezaga tabemenyana, abede neiyimi ku magala ma Muuza Wasililila. 19Nu Yosefu, iba wage, abezaga muntu weisanana nuwe ntamuitizie na nsoni, atundaga kumugila mu lumbisombiso. 20Gabezaga esakengela bubo, mugenzi wa Mukota wamubaside mu ndozi, wamubuide bune, Yosefu, muana wa Davidi, gukue boba kutola mukikulu wobe Malia kubuno iyimi liage lili lia magala ma Muuza Wasililila. 21Nuwe abute muana wamulume; wamuinike izina buno YESU; kubuno akonia bantu bage ku misako za buagi buabo. 22Bubuno bunsania buabezaga buno lizindilile liatendagua na Mukota ku mulengania bune,
23Unguililazi, kikumi kitemenyua na wamulume, kieke iyimi,
Nuwe abute muana wamulume,
Bamuinike izina buno, Emanuele,
Buisulilua bualio, Kalaga eli neisue. #Yesaya 7:14.
24Gayukile Yosefu ku tulo, akitile anga buamutendile mugenzi wa Mukota; nu atolile mukikulu wage, 25nu abezaga ntemumenya aba gabutile muana wamulume: nu amuinikile izina buno, YESU.

L’Alliance Biblique de la République Démocratique du Congo

Vind meer uit oorNouveau Testament en Kilega