Gewilde Bybelverse vanaf Oknayene Ibo 22

Deel

Abraham sipsip gagl tawa tedre, ye ere mogl, dumo i Yawe Norabuka we di, kagie yei togwa. Yegl pre yoba erme digwa, Yawe kaminmo muglo mina norabiwe di, yegl di meglkwa.

Dugo, God ye yegl di togwa, Ene we, wan swara kaima ta moglkwa i, idre, ede dumo makan Moria we dimara po! Na ene wan Aisak, mudn suna moglkwa i pre diga. Ene dumo makan Moria we dimara en, na muglo meglbi ta ene obuno di tebo, muglo meglbi i mina ene wan i si goglsre, gagl tawa naratniwe di, yegl dugwa.

Abraham yegl dugo, Yawe angelomo dugwa, Ene wan si goglkro! Ye ka kaima sikro! Erme ene na God moglka i, kuduglna goglnga kaniga. Ene wan swara kaima moglkwa ba ene ye ake gi dikre, si gogl, tawa naragledi etnga. Yegl pre ene na kuduglna goglnga kaniwe di, yegl dugwa.

Aisak yegl dugo, Abraham di ikne ede, yegl dugwa, Wana yo, God yene sipsip nagigle ta gagl tawa narabredi norabiwe di, yegl dugwa. Dugo, ye akie ede ebrika.

Na kaima ene ere wakai ere tedre, ene gawanma mere kide moraiglmedi ere edenaglka. Ere edibo, kugl kuri mitna ibo mere kide keglmere ya te, wesan mudi nigl bina mere kide meglmere mere yegl moraiglkwa. Te, ene gawanma ama ye kuda ikne kuda bogl tedre, yobuglo eraiglkwa. Te, ene na kana duglo boglnga pre yoba yugobuno pere pere moglsre, uglo koglo koglo moraiglkwa i we, na ene gawan ta morabuka ye mina mudu ere wakai ere tenaluwe di, Yawe yegl dume dugwa.

Ana okuo God ere mogl, Abraham na kana pre medrabo mo pre mediglkrabo mo di, ere kanagledi ye Abraham ka ta di togwa. God Abraham yo dugo, Abraham, Na mogliwe dugwa.

Si goragledi eruko, Yawe Angelomo heven ibo moglkwa agle di, Abraham yo! dugwa. Dugo, Abraham Na mogliwe dugwa.

Ana Yawe angelomo heven ibo moglkwa aglke kor Abraham agle didre, yegl dugwa, Abraham yo, Yawe ene yegl di togwa, Ene wan swara kaima moglkwa i ene ake gi dikre, si gogl tawa naragledi etnga i pre nana kagna mina ka giglede ene di te padiglka.

Ana ye ede pi dumo ta God ye Abraham obuno di tomara ebriko, Abraham kobuglo bogl ta kuglsre, ede ekrukwa ikra i pi tebe egle koglkwa. Ede i pi kobuglo bogl mina tebe egle koglsre, ye wam Aisak ogo kagle kane sidre, i pi kobuglo bogl mina ede ikra egle koglmara tebe edugwa.