Gewilde Bybelverse vanaf 1 Koorin 7

Deel

Toro tovino tov a'mwo kwolabolo su teyaul sumwonyo yo'moneyokwe tovino, “Awiyo,” maduumjuku'nomwalbulluneyaukono. Toro kuvi kuruv a'mwo kwolabolo su teyaul sumwoluko yiuno puru'mono wosuno'bullu subusu'nyogalo domwallo'moneyokwe toga aro nokwo domdukuurosubullunovakono. “Oo navu subusu'nyogalo adomwalosi toga sumwonyo mimwalosuno'makono.” Su toro me'no domdukuurosuno'bullu sumwonyo mibullu su toga'gwo subusu'nyogalo nokwo dumwalbullunovakono. Subusu'nyogalo me'no dopiyo'bullu toga sumwonyo aki aiko te nokwo ibullunovakono. Su tov aro tovinokwono. A'mwo kwolabolo su toval kevnokwe teyaulluro kulako tov pi'mwono mamollomwalnubullu tov Satanyolluro yamju pun wiyoganodowo'jure toga yere nobwolorabullukwe tovinokwono.

Su toro me'no soma'nupi toga abolo tov gami kwolo tooke sumwonyo yo'mo winodowo'jure tovi kwolo tool, “Awiyo,” nuudumwalo'jo. Aki a'mwo tool gami abolo tokwe sumwonyo yo'mo winodowo'jure toollu abolo tov, “Awiyo,” nuudumwalo'jo. Abolo tovuro kulako tov gami kwolo toollurokwono. Toro tovino tov abolo su tov gamoro kulako tovi mido mollomwallo'moneyokwe gami kwolo toollu neya uubweyogawono. Aki a'mwo toolluro kulako tov gami abolo tovurokwono. Toro tovino tov a'mwo su tool gamoro kulako tovi mido mollomwallo'moneyokwe abolo tovi neya uubweyogawono.

Gooti tool mubiyo bwotonyo tokwe kemi amobiyekumarokaikono. Toro mobiyekuma'no sumaiyokwe kevu gamoro a'mwo abolo kuunodo wimo'nodupudogaikikono. Toro tovino tov kevu kwako akavida'ai a'mwo toorai ki'nato womdokwe nuuwimo'numwalpiyo.