Gewilde Bybelverse vanaf Éxodo 11

Deel

Chaymantan Señor Diosqa Moisesta khaynata niran: —Noqan *rey Faraonta hinallataq Egipto *nacionniyoq runakunatapas huk ancha sasachakuy plagawanraq castigasaq. Chaymantañan Egipto nacionmanta ripunaykichispaq dejasunkichis. Hinaspapas kikin rey Faraonpunin wiñaypaq qarqosunkichis.

Hinaqtinmi kay Egipto nacionpi primer kaq nacesqakuna wañunqaku, rey Faraonpa *trononpi tiyaq primer kaq wawanmanta qallarispa, asta maranpi kutaq esclava warmipa primer kaq wawankama. Saynallataqmi llapallan animalkunapa primer kaq uñankunapas wañullanqataq. Chaymi enteron kay Egipto nacionpiqa anchallaña waqay kanqa. Sayna waqayqa manan hayk'aqpas karanchu; nitaqmi hayk'aqpas kanqañachu.

Chaymantan Señor Diosqa Moisesta khaynata niran: —Rey Faraonqa manan chaykuna nisqaykitaqa kasusunkichu. Chaymi noqaqa Egipto nacionniyoq runakuna ukhupi tukuy señalkunata astawanraq ruwasaq, saynapi tukuy atiyniyta rikunankupaq, nispa.