Gewilde Bybelverse vanaf Isaiah 25

Deel

TOPA awng, nangma in ka Pathian na hi hi; nang kong patoai tu a, na min ka pok tu hi. Nangma in nalamdangte na vawt siat zo hi; taanghlai pek a na ngealnate thumaan takin na vawt siat zo hi.

Vaanglianpipa TOPA in thina a tawntungin mangthangsak tu hi! Ama in mihing theampo ii thitui nawlsak in, a mite ii leitung mun theampo ah a thuak maimawl na sia laaksak tu hi. TOPA ama mama in ci zo hi!

Tuasia a pian ciang, mihing theampo in, “Ama ih Pathian hi! Ama ka muang zo uh a, ama in hong suatak zo hi. Ama in TOPA hi! Ama ka muang zo uh a, ama in kote hong ngum zo ahikom. tu in lungdam thinnuamin ka om uh hi” ci tu uh hi.

Hi lai ah minam theampo ii heena meeikaaite ama in thakhat thu in hepsak tu hi.

Vaanglianbelpa TOPA in hi sung Zion Mual tungah leitung minamte theampo atu in anneakpoai khat — a limbel an le a phabel sapittui taw na vawtsak tu hi.