Gewilde Bybelverse vanaf 1 Wakolinto 2

Deel

ninga nha vyono gakulonga i Mandiko Gono Gelile, “Izinghani zono hamba liso likali si naziwona, hamba i likutu kuzihulika izinghani zono, hamba munhu yakali si nazihwesa mu nhumbula yakwe, zizo zo Mulungu yawawikaniziza wa walya wono wamwendile.”

U munhu we ciyinze-yinze si kazibocelaga izinghani zo Muhe wo Mulungu. Hambi u munhu we liwala lilyo, izinghani zo Mulungu, nha wulele du kuli mwene, ku soko vyono zimupulute imahala gakwe, hambi zene, nha zitanjikaga ko wutazi wo Muhe du.

Alu zizo zo nghani zo Mulungu zono yacigubulilila mu nzila yo Muhe wakwe. Hambi u Muhe mweneco nha yo kavisunjililaga i vinhu vyose, sunga zinghani zo wuhile wo Mulungu mugati muno muno zono sizijelaga.

Ninga ase alu, si cabocela u muhe we yinze, langa camubocela u Muhe mono yakulawa kuli Mulungu, ho yacipele u wumanye wo kuzimanya azilya zono capegwa no Mulungu.

Sunga na muwulonje hamba na mu wuganule wangu, sinetumamila i zinghani zo kuwendeza wanhu, hamba za mu mahala gangu, langa zali za mu wulajile wo Muhe, na we vilungo vyo Muhe Mono Yelile. Nane nanoza nhavivyo, u wihuwilo wenyu ho wulece kwitumbila imahala ge cimunhumunhu, langa ivilungo vyo Mulungu.