Gewilde Bybelverse vanaf 1. Petrus 4

Deel

Nge mwen mettoch meinisin oupwe tupwöl le echenifengenikemi lefilemi, pun chen a pwölüela chomong tipis.

Ämi meinisin oua angei en me an lifang, oupwe aea fän iten chienemi usun nöün Kot kewe chon souwani ekewe sokopaten lifang.

Are eman a afalafal, epwe fokun afalafala än Kot Kapas. Are eman a alisi aramas, epwe alilis lon ükükün an pöchökül Kot a ngeni lon ewe angang, pwe lon mettoch meinisin Kot epwe küna ling ren Jesus Kraist, ewe mi eäni ling me manaman tori feilfeilachök. Amen.

Nge are eman a küna riaföü pokiten an souläng, esap säw ren, nge epwe kilisou ngeni Kot pwe a uwou iten Kraist.

Iwe, a arapoto sopolan mettoch meinisin. Iei mine oupwe püsin nemeni letipemi o mamasakemi, pwe epwe tongeni fis ämi iotek.

Ämi chienei mi achengicheng, ousap weitifengenikemi ren pwichikaren ewe riaföü a torikemi, pwe oupwe sosot ren. Ousap ekieki pwe iei och mine esap öch ngenikemi. Nge oupwe pwapwa pwe oua eti Kraist lon an riaföü, pwe oupwe pwal uren pwapwa lupwen an ling epwe pwä.

Oupwe etiwafengenikemi lefilemi, nge ousap lal ren.

Iei mine chokewe mi küna riaföü pokiten iei letipen Kot ngeniir, repwe atolonga manauer lepöün ewe Chon Föriir mi allükülük o sopwela le föri mine a mürina.

Iwe, pokiten Kraist a riaföü lon inisin, iei mine oupwe pwal amolakemi pwe oupwe eäni ewe sokun ekiek Kraist a eäni, pun eman mi riaföü lon inisin esap chüen föföri tipis. Iei mine seni ikenai tori ekewe lusun ränin manauemi oupwe manaueni eu manau mi nom fän nemenien letipen Kot, nge esap nom fän nemenien mochenian fituk.

Oua feiöch are oua küna turunufas pokiten ämi tapwela mürin Kraist, pun ewe Ngünün ling, Ngünün Kot epwe nonom lomi.