Gewilde Bybelverse vanaf گلتِیوں 6

Deel

نیک کمّ کرن وِچ ہِمّت نئیں ہارنی چاہیدی۔ کیوں جو جے اسی نا گھابرِئیے تے ٹھیک ویلے سِر وَڈّھاں گے۔

سو جدوں موقع مِلے۔ ساریاں نال نیکی کریئے۔ خاص کر اِیمانداراں نال۔

تُسی اِک دُوجے دے بھار وَنڈو تے ایس طرح مسِیح دی شریعت نُوں پُوریاں کرو۔

دھوکھا نا کھاؤ خُدا دے نال مخَول نئیں کری دا۔ کیوں جو جو کُجھ بندہ بِیجدا اے سوئیو وَڈّھے گا۔

جیہڑا اپنے جِسم لئی بِیجدا اے اوہ جِسم توں ہلاکت دا پَھل وَڈّھے گا۔ تے جیہڑا رُوح لئی بِیجدا اے۔ اوہ رُوح توں سدا دی زِندگی دا پَھل وڈّے گا۔

بھراؤ جے کوئی تُہاڈے وِچوں کِسے قصور وِچ پھڑیا وی جائے۔ تے تُسی جیہڑے رُوحانی اوہ۔ اوہنوں حلِیمی نال سمبھالو۔ تے اپنا وی سمبھالا رکھّیں کِتے تُوں وی ازمایش وِچ نا پَے جائیں۔

کیوں جو جے کوئی اپنے آپ نُوں کُجھ سمجھے تے اصل ہوئے کُجھ نا۔ تاں اوہ اپنے آپ نُوں دھوکھا دیندا اے۔ سو ہر کوئی اپنے ای کمّ نُوں جاچے۔ ایس طرح اوہدے کمّ واسطے اوہدی وڈیائی ہوئے گی نا کِسے ہور دے کمّ واسطے۔ کیوں جو ہر کوئی اپنا ای بھار چُکے گا۔