Gewilde Bybelverse vanaf ROMA 12

Deel

Jibeakba udi serai awei dunio yo, tapi bubeakba ngen pribadinu de blau, sehinggo udi dapet mbeda ipe de kelok Allah: jano de baik, de semnang atei Allah ngen de sempurno.

Saudaro-saudaro, demi kemurahan Allah uku melei nasihat ngen udi, supayo udi melei awoknu sebagai persembahan de idup, de sucai, de berkenan ngen Allah: do'o adeba ibadahnu de sejati.

Riangba lem pengharapan, sabarba lem saro, ngen tekunba lem du'o!

Jibeakba udi aleak te'adep kejahatan, tapi naleakba kejahatan ngen kebaikan!

Lokba udi sesamo mengasihi sebagai saudaro ngen sesamo demute lem melei hormat.

Lokba kasih o jibeak pepurak! Ne'uakba de coa baik ngen neaba de baik.

Sedapet-dapetne, amen hal o tegatung ngen udi, idupba lem damoi ngen kute tun!

Saudaro-saudaroku terkasih, jibeakba debat bae udi dendem, tapi meleiba penan ngen murka Allah, sebab ade tetulis: “Pembalasan o adeba hok-Ku. Ukuba de bakea mukumne, nadeak Tuhan.”

Bekerjoba ngen rajin, jibeak malas. Bekerjoba utuk Tuhan ngen semangat kunei Roh Allah.

Das dasar kasih karunia de Allah nelei ngen uku, uku madeak ngen tiep tun neak antaro udi: Jibeakba meker hal-hal de lebiak lekat kunei de patut udi peker, tapi lokba udi peker ngen rendeak atei, sehinggo udi kemuaso dirai temurut ukuran imen, de nelei Allah ngen udi masing-masing.

Jibeak males kejahatan ngen kejahatan; neaba jano de baik utuk kute tun!

Lokba udi do atei, do pekeran lem idupnu besamo; jibeakba udi meker perkaro-perkaro de lekat, tapi pekerba perkaro-perkaro de sederhana. Jibeakba manggap dirainu pacok!

Tapi, amen musuaknu nyemen, meleiba si mukmei; amen si aus, meleiba si bioa! Amen menea awei o, saudaro bakea menea si jijai selek.

Meleiba berkat ngen api de semikso udi, meleiba berkat ngen jibeak mengutuk! Beriang-riangba ngen tun de gidong riang, ngen ngindoiba ngen tun de gidong ngindoi!

Tulungba tun-tun sucai lem kekuranganne ngen berusahoba utuk melei penan tinggea neak lem umeaknu!

Sebab serai awei neak do awok ite temuan dau anggota, tapi coa kute anggota o temuan tugas de serai. Awei o kulo ite, kunyau dau, adeba do awok neak lem Kristus; tapi ite masing-masing adeba anggota de su'ang ngen de luyen.