Gewilde Bybelverse vanaf SPREUKE 23

Deel

’n Pa van ’n kind wat reg doen, het rede vir blydskap. ’n Wyse kind verskaf sy ouers groot vreugde.

Moenie jou afsloof om ryk te word nie. Wees verstandig genoeg om binne perke te bly.

Jy sal altyd ’n toekoms hê. Jou hoop sal nooit beskaam word nie.

Moenie jaloers word op sondaars nie. Behou altyd jou ontsag vir die HERE.

Moenie bang wees om jou kind te dissiplineer nie. Hy sal nie doodgaan van ’n pak slae nie.

Onderwerp jou aan dissipline. Luister goed na wat ek jou leer.

As jy nog na jou rykdom kyk, is dit eensklaps weg. Dit sal vlerke kry soos ’n arend en wegvlieg in die lug.

Luister na jou pa wat jou die lewe gegee het. Moenie jou ma afskryf omdat sy oud geword het nie.